ପାଟଣା: ପାଟଣା ବ୍ଲକ ମୁଖ୍ୟାଳୟ ଆନନ୍ଦେଶ୍ୱର ମହାଦେବ ମନ୍ଦିର ପ୍ରାଙ୍ଗଣରେ ନବ ନିର୍ମିତ ରାଧା କୃଷ୍ଣଙ୍କ ମନ୍ଦିର ସହ ବିଗ୍ରହ ପ୍ରତିଷ୍ଠା ବୁଧବାର ଠାରୁ ଆନୁଷ୍ଠାନିକ ଭାବେ ଆରମ୍ଭ ହୋଇ ଶନିବାର ଶେଷ ହୋଇଛି। ଶେଷ ଦିନରେ ଆଜି ପୂର୍ଣାହୁତି ଓ ଅନ୍ୟାନ୍ୟ ଦେବନୀତି ସମ୍ପର୍ଣ୍ଣ କରାଯିବା ସହ ଶ୍ରଦ୍ଧାଳୁଙ୍କୁ ପ୍ରସାଦ ବିତରଣ କରଯାଇଥିଲା।ଏହି ପ୍ରତିଷ୍ଠା କାର୍ୟ୍ୟକ୍ରମ ରେ କର୍ତା ଭାବେ ଅରୁଣ କୁମାର ମିଶ୍ର ଓ ତାଙ୍କ ସହ ଧର୍ମିଣୀ କୃଷ୍ଣ ପ୍ରିୟା ମିଶ୍ର ସସ୍ତ୍ରୀକ ପୂଜା କାର୍ୟ୍ୟସମ୍ପାଦନ କରିଥିଲେ। ପୂଜକ ଭାବେ ପଣ୍ଡିତ ଅଲେଖ ଚନ୍ଦ୍ର ତ୍ରିପାଠୀ, ତରୁଣ କୁମାର ତ୍ରିପାଠୀ, ନବ କିଶୋର ଦାଶ, ପର୍ଶୁ ରାମ ପଣ୍ଡା, ନିରଞ୍ଜନ କର ପ୍ରମୁଖ ନୀତିକାନ୍ତିରେ ଅଙ୍କୁରା ରୋପଣ କାର୍ୟ୍ୟର ଶୁଭାରମ୍ଭ କରିଥିଲ। ଗୁରୁବାର ୧୦୮ କଳସ ଦ୍ୱାରା ବୈତରଣୀ ନଦୀରୁ ଜଳ ନେଇ ପାଟଣା ବଜାର ପରିକ୍ରମା କରାଯାଇଥିଲା। ବୁଧବାରରୁ ଆରମ୍ଭ ହୋଇଥିବା ଏହି ଧର୍ମୀୟ କାର୍ୟ୍ୟ ୪ ଦିନ ବ୍ୟାପି ଅନୁଷ୍ଠିତ ହୋଇଥିଲା। ଶୁକ୍ରବାର ଦିନ ବିଗ୍ରହ ପ୍ରାଣ ପ୍ରତିଷ୍ଠା ସହ ଓ ମନ୍ଦିର ପ୍ରତିଷ୍ଠା ହୋଇଛି।
Comments are closed.