ବାଙ୍କୀ : ଡମପଡା ଆଞ୍ଚଳିକ ସ୍ନାତକ ମହାବିଦ୍ୟାଳୟର ଭାଷା ଓ ସାହିତ୍ୟ ବିଭାଗ ସୌଜନ୍ୟରେ ଓଡିଆ ସାହିତ୍ୟରେ ଉପନ୍ୟାସର ଭୂମିକା ଶୀର୍ଷକ ଜାତୀୟ ପାଠଚକ୍ର ଅନୁଷ୍ଠିତ ହୋଇଯାଇଛି । ଡିଗ୍ରୀ ମହାବିଦ୍ୟାଳୟର ପ୍ରତିଷ୍ଠା ଦିବସ ପାଳନ ଅବସରରେ ଆୟୋଜିତ ପାଠଚକ୍ର ମହାବିଦ୍ୟାଳୟର ଅଧ୍ୟକ୍ଷ ଚିତରଞ୍ଜନ ରଣାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ମୁଖ୍ୟ ଅତିଥି ଭାବରେ ପ୍ରଫେସର ନଟବର ଶତପଥି ଯୋଗଦେଇ ଓଡିଆ ଉପନ୍ୟାସ ସମ୍ପର୍କରେ ଆଲୋକପାତ କରି ସମାଜର ବାସ୍ତବ ଚିତ୍ରକୁ ବିଭିନ୍ନ ଚରିତ୍ର ମାଧ୍ୟମରେ ଉପସ୍ଥାପିତ କରାଯାଇ ସାହିତ୍ୟକୁ ଋଦ୍ଧିମନ୍ତ ଓ ସମାଜକୁ ଦିଗଦର୍ଶନ ଦେବାରେ ସହାୟ ହୋଇଥିବା ପ୍ରକାଶ କରିଥିଲେ । ମୁଖ୍ୟ ବକ୍ତା ଭାବରେ ପ୍ରବକ୍ତା ଗଣେଶ୍ୱର ସ୍ୱାଇଁ ଫକୀରମୋହନଙ୍କର ଛମାଣ ଆଠଗୁଣ୍ଠ ଓ ସ୍ଥାନୀୟ ପାଥପୁର ଗ୍ରାମ ସମ୍ପର୍କରେ ଅବତାରଣା କରିଥିଲେ। ଐତିହାସିକ ତଥା କବି ହରିହର ସ୍ୱାଇଁ ଡମପଡାଗଡର ଇତିହାସ ଏବଂ ଫକୀରମୋହନଙ୍କ ଉପନ୍ୟାସ ସମ୍ପର୍କରେ ଆଲୋକପାତ କରି ଆୟୋଜିତ ଜାତୀୟ ପାଠଚକ୍ରର ଆଭିମୁଖ୍ୟ ପ୍ରଦାନ କରିଛନ୍ତି । ଅନ୍ୟତମ ସମ୍ମାନୀତ ଅତିଥି ଭାବରେ ସମାଜସେବୀ କେଶବ ଚନ୍ଦ୍ର ବେହେରା, ସାମ୍ବାଦିକ ସୁଧିର ଚନ୍ଦ୍ର ନାୟକ, ଅଧ୍ୟାପକ ନିରୋଦ କୁମାର ମନ୍ତ୍ରୀ ପ୍ରମୁଖ ଉପନ୍ୟାସର ଭୂମିକା ସମ୍ପର୍କରେ ଆଲୋକପାତ କରିଥିଲେ। ଅଧ୍ୟାପକ ତାପସ କୁମାର ମହାନ୍ତି, ସ୍ମୃତିସନ୍ଧ୍ୟା ଦାସ, ଜ୍ୟୋତି ପ୍ରକାଶ ପାଣିନୀ, ସ୍ମୃତିପ୍ରଜ୍ଞା ମହାପାତ୍ର, ବିଷ୍ଣୁପ୍ରିୟା ରାଉତ, ମୀନା ଲେଙ୍କା, ନିତ୍ୟାନନ୍ଦ ସାମନ୍ତରାୟ, ନରେଶ କୁମାର ମହାନ୍ତି, ସୁକାନ୍ତି ରଣା, ତ୍ରୈଲୋକ୍ୟ ସାହୁ ପ୍ରମୁଖ ଉପସ୍ଥିତ ଥିଲେ । ଜ୍ୟୋତିପ୍ରକାଶ ପାଣିନୀ ଧନ୍ୟବାଦ ଦେଇଥିଲେ।
Popular Categories
Previous article
Next article