ଚିକିଟି : ନୂଆପଡା ଫାଣ୍ଡି ଅଞ୍ଚଳରେ ବିଭତ୍ସ୍ୟ ହତ୍ୟାକାଣ୍ଡ ଘଟିଛି। ସକାଳୁ ସକାଳୁ ବାହୁଦା ନଦୀରେ ଏକ ମୃତଦେହ ଭାସୁଥିବା ଦେଖିବାକୁ ମିଳିଛି। ମୃତ ଦେହଟି ନୂଆପଡା ର ନାରାୟଣ ପ୍ରଧାନଙ୍କର ବୋଲି ଜଣାପଡିଛି। ମୃତ ନାରାୟଣଙ୍କ ଶରୀର ର ବିଭିନ୍ନ ସ୍ଥାନରେ କ୍ଷତ ଚି଼ହ୍ନ ଥିବାବେଳେ ହାତଟିକୁ କେହି ହାଣି ଦେଇଛନ୍ତି।
ସୂଚନା ଅନୁଯାୟୀ ନାରାୟଣ ଆଜି ସକାଳୁ ସକାଳୁ ବାହୁଦା ନଦୀ ତଟ ରେ ଥିବା ପଦର କୁ ନିଜ ପନି ପରିବା ଚାଷ ଦେଖିବାକୁ ଯାଇଥିଲେ। ଡେରି ଯାଲଁ ଘରକୁ ନ ଫେରିବାରୁ ପରିବାର ଲୋକେ ବହୁ ଖୋଜାଖୋଜା କରିଥିଲେ। ପରେ ବାହୁଦା ନଦୀ ପଠାରୁ ରକ୍ତ ଜୁଡୁବୁଡୁ ଅବସ୍ଥାରେ ମୃତଦେହ ଉଦ୍ଧାର ହୋଇଥିଲା। ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।
