ନୂଆଦିଲ୍ଲୀ : ଲଣ୍ଡନରେ ଭାରତର ଗଣତନ୍ତ୍ର ସମ୍ପର୍କରେ ରାହୁଲ ଗାନ୍ଧୀ ଯେଉଁ ମନ୍ତବ୍ୟ ଦେଇଛନ୍ତି ସେଥିପାଇଁ ସେ କ୍ଷମା ମାଗିବେ ନାହିଁ ବୋଲି କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ କହିଛନ୍ତି। ଖଡଗେ କହିଛନ୍ତି ଯେ ରାହୁଲଙ୍କ ଠାରୁ ଯେଉଁମାନେ କ୍ଷମା ପ୍ରାର୍ଥନା ଦାବି କରୁଛନ୍ତି ସେମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମନ୍ତବ୍ୟ ଉପରେ ଜବାବ ଦେବା ଦରକାର। କାରଣ ନରେନ୍ଦ୍ର ମୋଦୀ ବିଦେଶ ମାଟିରେ ଭାରତ ବିରୋଧୀ ମନ୍ତବ୍ୟ ଦେଇ ଦେଶକୁ ଅପମାନିତ କରିଛନ୍ତି। ତେଣୁ ରାହୁଲଙ୍କ ଠାରୁ ଯେଉଁମାନେ କ୍ଷମା ପ୍ରାର୍ଥନା ଦାବି କରୁଛନ୍ତି ସେମାନେ ମୋଦୀଙ୍କ ଭାରତ ବିରୋଧୀ ମନ୍ତବ୍ୟ ବେଳେ କ’ଣ କରୁଥିଲେ ତାର ଉତ୍ତର ଦେବା ଦରକାର।
ଅନ୍ୟପଟେ ରାହୁଲ ଗାନ୍ଧୀ ତାଙ୍କ ଲଣ୍ଡନ ଗସ୍ତ ଶେଷ କରି ବୁଧବାର ସ୍ବଦେଶ ଫେରିଛନ୍ତି। ଫେବୃଆରୀ ୨୮ରୁ ରାହୁଲ ଲଣ୍ଡନ ଗସ୍ତରେ ଯାଇଥିଲେ। କେମ୍ବ୍ରିଜ୍ ବିଶ୍ବବିଦ୍ୟାଳୟର ନିମନ୍ତ୍ରଣ କ୍ରମେ ରାହୁଲ ଲଣ୍ଡନ ଗସ୍ତରେ ଯାଇଥିଲେ। ତେବେ ରାହୁଲଙ୍କ ଲଣ୍ଡନ ଗସ୍ତକୁ ନେଇ ବିବାଦ ଦେଖାଯାଇଛି। ଲଣ୍ଡନରେ ରାହୁଲ ଭାରତର ଗଣତନ୍ତ୍ର ବିରୋଧରେ ଦେଇଥିବା ମନ୍ତବ୍ୟକୁ ନେଇ ସଂସଦ ଅଚଳ ରହିଛି। ବିଦେଶ ମାଟିରେ ରାହୁଲ ଭାରତକୁ ନିନ୍ଦିତ କରିଥିବାରୁ ଶାସକ ବିଜେପି ତାଙ୍କ ଠାରୁ କ୍ଷମା ପ୍ରାର୍ଥନା ଦାବି କରିଛି। ଏହି ଦାବିକୁ ନେଇ ସଂସଦର ବଜେଟ ଅଧିବେଶନ ସୋମବାରଠାରୁ ତିନିଦିନି ହେଲା ଅଚଳ ରହିଛି। ବିଜେପିର କ୍ଷମା ପ୍ରାର୍ଥନା ଦାବିକୁ କଂଗ୍ରେସ ଅଗ୍ରାହ୍ୟ କରିଛି।
ରାହୁଲ କ୍ଷମା ମାଗିବେ ନାହିଁ : ଖଡଗେ
Popular Categories
Previous article
Next article