ସମାଜ ଡିଜିଟାଲ ଡେସ୍କ: ପୁରୀ ଜିଲା ନିମାପଡାରେ ପରକୀୟା ପ୍ରୀତିର କରୁଣ ପରିଣତି ଦେଖିବାକୁ ମିଳିଛି । ପ୍ରେମୀ ଯୁଗଳ ଧରାପଡିବା ପରେ ଉଭୟଙ୍କୁ ମାଳ ପକାଇ ନିକଟସ୍ଥ ଥାନାକୁ ଚଲାଇ ଚଲାଇ ନେଇଥିଲେ ମହିଳାଙ୍କ ସ୍ୱାମୀ । ଯାହାର ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ୍ ହୋଇଛି ।
ମିଳିଥିବା ସୂଚନା ଅନୁସାରେ ଜଣେ ଶିକ୍ଷୟତ୍ରୀ ନିମାପଡା ଥାନା ନିକଟରେ ଏକ ସାହିରେ ଭଡା ଘରେ ରହୁଥିଲେ, ତାଙ୍କ ସ୍ୱାମୀଙ୍କ ସହ କିଛି ପାରିବାରିକ ବିବାଦ ଥିବାରୁ ସ୍ୱାମୀ ସ୍ତ୍ରୀ ଏକାଠି ରହୁନଥିଲେ । ମହିଳାଜ ଜଣଙ୍କ ଶିକ୍ଷକ ହୋଇଥିବା ବେଳେ ସଂପୃକ୍ତ ପୁରୁଷ ଜଣେ ଶିକ୍ଷକ ନେତା ବୋଲି ଜଣାପଡିଛି । ମହିଳାଙ୍କ ସ୍ୱାମୀ ସ୍ତ୍ରୀଙ୍କୁ ପରକୀୟା ପ୍ରୀତି ସମୟରେ ଧରିବାକୁ ଯୋଜନା କରିଥିଲେ । ଏକ ଭଡାଘରେ ଉଭୟ ପ୍ରେମୀ ଯୁଗଳ ଥିବାବେଳେ ମହିଳାଙ୍କ ସ୍ୱାମୀ ଧରିଥିଲେ । ଏହାପରେ ଉଭୟଙ୍କ ବେକରେ ମାଳ ପିନ୍ଧାଇ ଥାନାକୁ ଚଲାଇ ଚଲାଇ ନେଇ ଥାନା ଅଧିକାରୀଙ୍କ ଜିମା ଦେଇଥିଲେ । ଏହାକୁ ନେଇ ପୁଲିସ ଅଧିକ ତଦନ୍ତ ଆରମ୍ଭ କରିଛି ।
ନିମାପଡାରେ କଙ୍ଗାରୁ କୋର୍ଟ: ପ୍ରେମୀ ଯୁଗଳଙ୍କୁ ମାଳ ପିନ୍ଧାଇ ରାସ୍ତାରେ ଚଲାଇ ଚଲାଇ ଥାନାକୁ ନେଲେ
Popular Categories
Previous article
Next article