ଚୌଦ୍ୱାର : ଗତ କିଛିଦିନ ଧରି ଅସମ୍ଭାଳ ଗୁଳୁଗୁଳି ପରେ ଶନିବାର ଅପରାହ୍ଣରେ ଘଡ଼ଘଡ଼ି ସହିତ ବର୍ଷା ହେବା ଫଳରେ ୫୫ନଂ ଜାତୀୟ ରାଜପଥରେ ଥିବା ଖାଲଖମାରେ ପାଣି ଭର୍ତ୍ତି ହୋଇ କୃତ୍ରିମ ବନ୍ୟା ସୃଷ୍ଠି ହୋଇଛି । ଫଳରେ ରାଜପଥ ଉପରେ ଯାନବାହାନ ଚଳାଚଳ ବ୍ୟାଘାତ ହେବା ସହିତ ୨ଚକିଆ ଓ ଚାରିଚକିଆ ଯାନ ସବୁ ରାସ୍ତା ଜାଣିନପାରି ପାଣିଭର୍ତ୍ତି ଖାଲଖମାରେ ପଡି ଆହତ ହେଉଛନ୍ତିି । ଗୋଟିଏ ପଟେ ରାଜରାସ୍ତା କାମ ଜାରୀ ରହିଥିବାରୁ ଠିକାଦାର ବିଭିନ୍ନ ସ୍ଥାନକୁ ଅବରୋଧ କରି ରଖିବା ସହିତ ରାସ୍ତାକୁ ଖୋଳି ତାଡ଼ି ପକାଇ ଦେଇଛି। ରାସ୍ତାର ଦୁଇ ପାଖରେ ଡ୍ରେନ୍ କାର୍ଯ୍ୟ ଆରମ୍ଭ ହୋଇଥିବାବେଳେ ତାହା ଅସମ୍ପୂର୍ଣ୍ଣ ହୋଇ ପଡ଼ି ରହିଛି । ଫଳରେ ବର୍ଷାଜଳ ଠିକ ଭାବେ ନିଷ୍କାସନ ହୋଇନପାରି ରାସ୍ତାରେ ଭାସିବା ସହିତ ରାସ୍ତା କଡରେ ଥିବା ପୌରପାଳିକା ୧୭ନଂ ୱାର୍ଡ ନୁଆସାହି ସୁଇପର କଲୋନୀ ବସ୍ତିରେ ପ୍ରବେଶ କରିବା ଫଳରେ ବସ୍ତିର ଲୋକେ ନାହିଁନଥିବା ଅସୁବିଧାର ସମ୍ମୁଖୀନ ହୋଇଥିଲେ । ଅନ୍ୟପଟେ ସ୍ଥାନୀୟ ଏକ କମ୍ପାନୀର ବର୍ଜ୍ୟପାଣିକୁ ଠିକ ବର୍ଷା ସମୟରେ କମ୍ପାନୀ ବାହରକୁ ଛାଡ଼ି ଦେଉଥିବା ହେତୁ ତାହା ବର୍ଷାପାଣି ସହିତ ମିଶି ବସ୍ତିରେ ପ୍ରବେଶ କରିବାରୁ ଏଭଳି ପରିସ୍ଥିତି ସୃଷ୍ଟି ହେଉଥିବା ବସ୍ତି ବାସିନ୍ଦା ମାନେ ଅଭିଯୋଗ କରିଛନ୍ତି । ଅସରାଏ ବର୍ଷା ହେଲେ ପ୍ରତିଥର ବସ୍ତିରେ ପାଣି ପଶୁଥିବା ବସ୍ତିବାସିନ୍ଦା କହୁଥିବା ବେଳେ କମ୍ପାନୀ କର୍ତ୍ତୃପକ୍ଷ ଏହାକୁ ଅଣଦେଖା ଓ ଅସ୍ବୀକାର କରୁଥିବା ବସ୍ତିବାସସିନ୍ଦା ମାନେ କ୍ଷୋଭର ସହ ପ୍ରକାଶ କରି ଆଗାମୀ ଦିନରେ ଏହାର ପ୍ରତିକାର ନକଲେ ବସ୍ତିବାସିନ୍ଦା ରାଜରାସ୍ତା ଅବରୋଧ କରିବେ ବୋଲି ଚେତାବନୀ ଦେଇଛନ୍ତି।
Comments are closed.