ସମ୍ବଲପୁର : ଦେଶ ସ୍ୱାଧିନତାର ୭୫ତମ ବର୍ଷ ପୂର୍ତ୍ତି ପାଳନ ଉପଲକ୍ଷେ ସମ୍ବଲପୁରର ନୃସିଂହ ଗୁରୁ ଟାଉନ ହାଇସ୍କୁଲ ଠାରେ ପୁରାତନ ଛାତ୍ର ସଂସଦପକ୍ଷରୁ ବିଭିନ୍ନ ପ୍ରକାରର ପ୍ରତିଯୋଗୀତ ଆୟୋଜିତ ହୋଇଯାଇଛି । ଛାତ୍ର ମାନଙ୍କ ମଧ୍ୟରେ ଦେଶାତ୍ମକବୋଧକ ସଙ୍ଗୀତ, ସ୍ୱାଧିନତା ଆନ୍ଦୋଳନ ଓ ଗାନ୍ଧୀଜୀ ଶୀର୍ଷକ ବକ୍ତୃତା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଛାତ୍ର ସଂସଦର ସଭାପତି ଡ. ପରେଶ ଚନ୍ଦ୍ର ଦାନୀ ପ୍ରଥମେ ଛାତ୍ର ମାନଙ୍କର ଅର୍ନ୍ତନିହିତ ପ୍ରତିଭାର ବିକାଶ ନିମନ୍ତେ ଏଭଳି ପ୍ରତିଯୋଗୀତାର ଗୁରୁତ୍ୱପୁର୍ଣ୍ଣ ଭୂମିକା ଉପରେ ଆଲୋକପାତ କରିଥିଲେ । ସମ୍ପାଦକ ଦୀନବନ୍ଧୁ ପଣ୍ଡା ପ୍ରତିଯୋଗୀତାରେ ନିୟମ ଉପରେ ସମସ୍ତଙ୍କୁ ଅବଗତ କରାଇଥିଲେ। ବକ୍ତୃତା ପ୍ରତିଯୋଗୀତାରେ ବିଚାରକ ଦାୟିତ୍ୱ ଶିକ୍ଷାବିତ ଅରବିନ୍ଦ ମହାପାତ୍ର, ଡ. ବିଜୟ ପ୍ରଧାନ ଓ ନନ୍ଦିନୀ ମିଶ୍ର ତୁଲାଇଥିବା ବେଳେ ଏଥିରେ ସୌମ୍ୟ ରଞ୍ଜନ ମଣ୍ଡଳ ପ୍ରଥମ, ସାଗର ତାଣ୍ଡି ଦ୍ୱିତୀୟ ଏବଂ ପ୍ରେମାନନ୍ଦ ରଣା ତୃତୀୟ ସ୍ଥାନ ଅଧିକାର କରିଛନ୍ତି । ସେହିଭଳି ସଙ୍ଗୀତ ପ୍ରତିଯୋଗୀତାରେ ତ୍ରିଲୋଚନ ତ୍ରିପାଠୀ, ସୁରେନ୍ଦ୍ର ନାଥ ବାଗ ଓ ଭୂଜାତା ନନ୍ଦ ବିଚାରକ ଦାୟିତ୍ୱ ନିର୍ବାହ କରିଥିବା ବେଳେ ରୋହନ ପଟେଲ ପ୍ରଥମ, ଆଦର୍ଶ ମେହେର ଦ୍ୱିତୀୟ ଏବଂ ସୁମିତ ମେହେର ତୃତୀୟ ସ୍ଥାନ ଅଧିକାର କରିଥିଲେ । କାର୍ଯ୍ୟକ୍ରମକୁ ଆୟୋଜନ ଓ ପରିଚାଳନାରେ ଗୋରେଖ ଲାଲ ଦାଶ, ବିବେକାନନ୍ଦ ଗୁରୁ, ବେଦବ୍ୟାସ ସୂପକାର, କୈଳାସ ମିସ୍ତ୍ରି ଙ୍କ ସମେତ ଅନ୍ୟ ସଦସ୍ୟ ମାନେ ସକ୍ରିୟ ସହାୟତା କରିଥିଲେ।
Popular Categories
Previous article
Next article