ବୁର୍ଲା: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଭାସୀ ମାଧ୍ୟମରେ ୧୨୦ କୋଟିରୁ ଅଧିକ ବ୍ୟୟ ଅଟକଳରେ କ୍ରୀଡା ପ୍ରକଳ୍ପ ବୁର୍ଲା ଠାରେ ଉଦଘାଟନ କରିଛନ୍ତି। ୧୨୦ କୋଟିର ଅନୁଦାନ ସମ୍ବଲପୁରରେ କ୍ରୀଡା ବିକାଶ ଏବଂ ଭିତ୍ତିଭୂମିକୁ ବୃଦ୍ଧି କରିବ। ବୁର୍ଲା ଇନଡୋର ଷ୍ଟାଡିୟମର ଉଦଘାଟନ କରିଥିଲେ ଏବଂ ହକି ଷ୍ଟାଡିୟମ ସମେତ ସମ୍ବଲପୁର ଫୁଟବଲ ଏକାଡେମୀ ଏବଂ ସମ୍ବଲପୁର ବିଶ୍ୱବିଦ୍ୟାଳୟ କ୍ରୀଡା କମ୍ପ୍ଲେକ୍ସ ପାଇଁ ଭିତ୍ତି ପ୍ରସ୍ତର ସ୍ଥାପନ କରିଥିଲେ। ମୁଖ୍ୟମନ୍ତ୍ରୀଙ୍କ ଦର୍ଶନ ସହିତ ‘ଯୁବକମାନଙ୍କ ପାଇଁ କ୍ରୀଡ଼ା, ଭବିଷ୍ୟତ ପାଇଁ ଯୁବକମାନେ’ ସହିତ ଏହି ପ୍ରକଳ୍ପଗୁଡିକ ୫ଟି ପଦକ୍ଷେପ ଅନୁଯାୟୀ କାର୍ଯ୍ୟ କରାଯାଇଛି। ଯାହା ଫଳରେ ବିଶେଷ କରି ସମ୍ବଲପୁରର ଯୁବକମାନେ ଉପକୃତ ହେବେ। ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ସମ୍ବଲପୁରରେ କ୍ରୀଡ଼ା ସଂସ୍କୃତିର ପ୍ରଶଂସା କରିବା ସହ ଏହି ସୁବିଧା ଜିଲ୍ଲାର କ୍ରୀଡ଼ା ବିକାଶକୁ ଆହୁରି ଦୃଢ଼ କରିବ ବୋଲି ଆଶା ପ୍ରକଟ କରିଛନ୍ତି। ସେ ଏହା ମଧ୍ୟ କହିଛନ୍ତି ଯେ ସମ୍ବଲପୁରରେ ଫୁଟବଲ ବହୁତ ଲୋକପ୍ରିୟ ଏବଂ ତେଣୁ ସ୍ଥାନୀୟ ଫୁଟବଲ ପ୍ରତିଭା ପାଇଁ ଉନ୍ନତ ମାନର କୋଚିଂ ଏବଂ ପ୍ରତିଯୋଗିତା ସୁବିଧା ଯୋଗାଇବା ପାଇଁ ସମ୍ବଲପୁର ଫୁଟବଲ ଏକାଡେମୀ ପ୍ରତିଷ୍ଠା କରାଯାଉଛି।
Comments are closed.