ଆଠଗଡ଼: ସଂପ୍ରତି ହରିୟାନାର ପଞ୍ଚକୁଲା ଠାରେ ଖେଲୋ ଇଣ୍ଡିଆ ଯୁବକ୍ରୀଡା ପ୍ରତିଯୋଗିତାରେ ରୌପ୍ୟ ପଦକ ବିଜେତା ଓଡ଼ିଶା ଖୋ-ଖୋ ଦଳରେ ଖେଳିଥିବା ଆଠଗଡ଼ର ଟି ଜଗନ୍ନାଥ ଦାସଙ୍କୁ ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ଆଠଗଡ଼ ବିକାଶ ମଞ୍ଚ ପକ୍ଷରୁ ସମ୍ବର୍ଦ୍ଧିତ କରାଯାଇଛି। ବିକାଶ ମଞ୍ଚର ପ୍ରତିଷ୍ଠାତା ସଭାପତି ତଥା ସମାଜସେବୀ ମାନସ ରଞ୍ଜନ ବସ୍ତିଆ ଜଗନ୍ନାଥଙ୍କର ଅଶୋକ ନଗରସ୍ଥିତ ବାସଭବନରେ ପହଞ୍ଚି ତାଙ୍କୁ ଅଭିନନ୍ଦନ ଜଣାଇବା ସହ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ। ଶ୍ରୀ ବସ୍ତିଆ ଓ ସମାଜସେବୀ ମାଗୁଣି ଚରଣ ରାଉତଙ୍କ ସମେତ ବିକାଶ ମଞ୍ଚର ଅନ୍ୟ ସଦସ୍ୟ ଜଗନ୍ନାଥଙ୍କୁ ତାଙ୍କର ଉଜ୍ଜଳ ଭବିଷ୍ୟତ କାମନା କରିଥିଲେ। ଜଗନ୍ନାଥ ଓ ତାଙ୍କ ପରିବାର ସଦସ୍ୟ ବିକାଶ ମଞ୍ଚର ସଭାପତି ଓ ସଦସ୍ୟଙ୍କୁ କୃତଜ୍ଞତା ଜଣାଇଥିଲେ।
Comments are closed.