ଗୋପାଳପୁର: ସ୍ଵାଭିମାନ ଏବଂ ବ୍ରହ୍ମପୁର ବିଶ୍ଵବିଦ୍ୟାଳୟ ଭିନ୍ନକ୍ଷମ ସେଲର ମିଳିତ ଉଦ୍ୟମରେ ବ୍ରହ୍ମପୁର ବିଶ୍ଵବିଦ୍ୟାଳୟ ଠାରେ ଆନ୍ତର୍ଜାତୀୟ ଭିନ୍ନକ୍ଷମ ଦିବସ ପାଳନ କରାଯାଇଛି। ସ୍ୱାଭିମାନ ପକ୍ଷରୁ ଆୟୋଜିତ ସଚେତନତା ବୁଥକୁ ବିଶ୍ଵବିଦ୍ୟାଳୟର କୁଳପତିଙ୍କ ଦ୍ଵାରା ଉଦଘାଟନ କରାଯିବା ସହିତ ଭିନ୍ନକ୍ଷମ ସଚେତନତା ଉପରେ ବିଭିନ୍ନ ପ୍ରକାର କର୍ମଶାଳା କରି ବିଶ୍ଵବିଦ୍ୟାଳୟର ଅଧ୍ୟକ୍ଷ, ଅଧ୍ୟକ୍ଷା ଏବଂ ଛାତ୍ର ଛାତ୍ରୀ ମାନଙ୍କୁ ସଚେତନ କରାଯାଇଛି। ଏହି କାର୍ଯ୍ୟକ୍ରମରେ ସ୍ୱାଭିମାନର ମୁଖ୍ୟ ଡଃ ଶ୍ରୁତି ମହାପାତ୍ର, ବ୍ରହ୍ମପୁର ବିଶ୍ଵବିଦ୍ୟାଳୟର କୁଳପତି ପ୍ରଫେସର ଗୀତାଞ୍ଜଳି ଦାସ, ବ୍ରହ୍ମପୁର ରୋଟାରୀ କ୍ଲବର ସଭାପତି ରୋଟାରୀଆନ ପ୍ରଦ୍ୟୁମ୍ନ କୁମାର ବିଷୋୟୀ, ଭିନ୍ନକ୍ଷମ ସେଲ ଅଧ୍ୟକ୍ଷ ଡଃ. ବି ଅଞ୍ଜନ କୁମାର ପୃଷ୍ଟି, ଜିଲ୍ଲା ଆଇନ୍ ସେବା ଅଧିକାରୀ ସବିତା ସାହୁକାର ଅତିଥି ଭାବେ ଯୋଗ ଦେଇଥିଲେ। ଭିନ୍ନକ୍ଷମ ଉପରେ ଅଧିକ ଜାଣିବା ପାଇଁ ଏବଂ ସଚେତନ କରେଇବା ପାଇଁ ସମସ୍ତ ସ୍ନାତକୋତ୍ତର ବିଭାଗର ପ୍ରଥମ ବର୍ଷର ଛାତ୍ର ଛାତ୍ରୀଙ୍କ ମଧ୍ୟରେ ଏକ କୁଇଜ୍ ପ୍ରତିଯୋଗିତା ଆୟୋଜନ କରାଯାଇଥିଲା । ସ୍ଵାଭିମାନ ପକ୍ଷରୁ କୁଳପତି, ଭିନ୍ନକ୍ଷମ ସେଲ ଏବଂ ବିଶ୍ଵବିଦ୍ୟାଳୟ ପାଇଁ ବ୍ରେଲ କିଟ୍ ଏବଂ ଭିନ୍ନକ୍ଷମ ଅଧିକାର ପୁସ୍ତକ ସହିତ ଅନ୍ୟାନ୍ୟ ଭିନ୍ନକ୍ଷମ ଉପରେ ଆଧାରିତ ପୁସ୍ତକ ଏବଂ ରୋଟାରୀ କ୍ଲବ୍ ଦ୍ଵାରା ଭିନ୍ନକ୍ଷମ ସେଲକୁ ସହାୟକ ଉପକରଣ ପ୍ରଦାନ କରାଯାଇଛି।
Comments are closed.