କାମାକ୍ଷାନଗର: କାମାକ୍ଷାନଗର ଅଞ୍ଚଳରେ ବାଲି ଚୋରା ଚାଲାଣ ହେଉଥିବା ଅଭିଯୋଗ କ୍ରମେ ଉପଖଣ୍ଡ ପ୍ରଶାସନ ପକ୍ଷରୁ ରାମଆଳ ନଦୀ ତଟ ବର୍ତ୍ତୀ ମହୁଲପାଳ ଘାଟରୁ ଏକ ଟ୍ରାକଟର ଜବତ କରି ପଚାଶ ହଜାର ଟଙ୍କା ଜୋରିମାନା ଆଦାୟ କରିଥିବା ଜଣାଯାଇଛି। କାମାକ୍ଷାନଗର ତହସିଲ ଅଞ୍ଚଳରେ ଚୋରାରେ ବାଲି ଚାଲାଣ ହେଉଥିବାର ଉପଖଣ୍ଡ ପ୍ରଶାସନ ନିକଟରେ ଅଭିଯୋଗ ହୋଇଥିଲା। ଏହାକୁ ଗୁରୁତ୍ୱ ଦେଇ ଉପଜିଲ୍ଲାପାଳ ନାରାୟଣ ଚନ୍ଦ୍ର ନାୟକ ମହୁଲପାଳ ଘାଟରେ ପହଞ୍ଚି ଏକ ବାଲି ବୋଝଇ ଟ୍ରାକଟରକୁ ଜବତ କରିଥିଲେ। ଜବତ ହୋଇଥିବା ଟ୍ରାକଟର ଠାରୁ ପଚାଶ ହଜାର ଟଙ୍କା ଜୋରିମାନା ଆଦାୟ କରିବା ପରେ ଉକ୍ତ ଟ୍ରାକଟରକୁ ଛାଡି ଦେଇଥିବାର ଜଣାଯାଇଛି। ଏହି ଘଟଣା ପ୍ରଚାର ହେବା ପରେ ବାଲି ମାଫିଆଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଥିବା ବେଳେ ସାଧାରଣରେ ଆଶ୍ବସ୍ତି ପ୍ରକାଶ ପାଇଛି।
Comments are closed.