କଲମପୁର: କଲମପୁର ବ୍ଲକ ସ୍ତରୀୟ ପ୍ରତିଭା ଅନ୍ୱେଷଣ କାର୍ଯ୍ୟକ୍ରମ ସୁରଭି ୨୦୨୩ ଓ ମିଲେଟ ପ୍ରତିଯୋଗିତା ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ, ପଣ୍ଡିଗାଁ ଠାରେ ମହାସମାରୋହରେ ପାଳିତ ହୋଇଯାଇଛି। ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ କଲମପୁର ସମିତି ଉପାଧ୍ୟକ୍ଷ ଚିନ୍ତାମଣି ବେହେରା, ସମ୍ମାନୀୟ ଅତିଥି ଭାବେ ଜିଲ୍ଲା ପରିଷଦ ସଭ୍ୟା ନିବେଦିତା ହଂସ, ପଣ୍ଡିଗାଁ ସରପଞ୍ଚ କବିତା ଜୈନ ପ୍ରମୁଖ ଯୋଗ ଦେଇଥିଲେ। ସ୍ଥାନୀୟ ଗୋଷ୍ଠୀ ଶିକ୍ଷା ଅଧିକାରୀ ସୁଶ୍ରୀ ମଧୁସ୍ମିତା ନାଏକ ଅଧ୍ୟକ୍ଷତା କରିଥିବା ବେଳେ ବି ଆର୍ ସି ସି ହେମନ୍ତ କୁମାର ପଣ୍ଡା ସ୍ବାଗତ ଭାଷଣ ପ୍ରଦାନ କରିଥିଲେ। ସମସ୍ତ ଛ’ଟି କ୍ଲଷ୍ଟରରେ ପ୍ରଥମ ବିବେଚିତ ପ୍ରତିଯୋଗୀ ତିନୋଟି ଗୃପ କନିଷ୍ଠ, ବରିଷ୍ଠ ଏବଂ ସୁପର ସିନିୟରରେ ଅଂଶଗ୍ରହଣ କରିଥିଲେ। ମୋଟ ୨୭ଟି ଇଭେଣ୍ଟରେ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ପରବର୍ତ୍ତୀ ପର୍ଯ୍ୟାୟ ଅପରାହ୍ନ ସମୟରେ ଉଦଯାପନୀ ଉତ୍ସବ ଅନୁଷ୍ଠିତ ହୋଇଥିଲା ଏଥିରେ ସମସ୍ତ ବିଭାଗର ଛାତ୍ରଛାତ୍ରୀ ସାମାଜିକ ସୁରକ୍ଷା ଓ ନାରୀଙ୍କୁ ସମ୍ମାନ ସମ୍ବନ୍ଧୀୟ ବିଭିନ୍ନ ନୃତ୍ୟ ଓ ନାଟକ ପରିବେଷଣ କରିଥିଲେ। ଅବସର ପ୍ରାପ୍ତ ଶିକ୍ଷକ ତଥା ଲୋକକବି ଦୟାନିଧି ବଣୁଆ,ନାଟକ ରଚୟିତା ନାସିର ଅଲ୍ଲୀ, ଶିକ୍ଷକ ବାବୃବାହାନ ବାଗ ବିଚାରପତି ଭାବରେ ମୂଲ୍ୟାଙ୍କନ କରିଥିଲେ ଓ ଶେଷରେ କୃତି ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା।
Popular Categories
Previous article
Next article