ଗୋପାଳପୁର: ଗୋପାଳପୁର କଲେଜରେ ଆଜି ଅଧକ୍ଷ ଡ଼. ରାମ ଚନ୍ଦ୍ର ପଣ୍ଡାଙ୍କ ଅଧକ୍ଷତାରେ ଖେଳକୁଦ ପ୍ରତିଯୋଗୀତା ଗୋପାଳପୁର ମିନି ଷ୍ଟାଡିଅମ ଠାରେ ଅନୁଷ୍ଠିତ ହୋଇଥିଲା। ଏଥିରେ ୧୦୦,୨୦୦ ମିଟର ଦୌଡ଼, ଉଚ୍ଚ ଡିଆଁ, ଲମ୍ବ ଡିଆଁ, ଡିସ୍କୋସଥ୍ରୋ, ସଟଫୁଟ, ଶ୍ଲୋ ସାଇକଲ, ଜାଭଲିନ ଥ୍ରୋ, ମ୍ୟୁଜିକାଲ ଚେର ପ୍ରତିଯୋଗିତା ଅନୁଷ୍ଠିତ ହୋଇଥିଲା। ମୁଖ୍ୟ ଅତିଥି ଭାବେ କଲେଜ ପରିଚାଳନା କମିଟିର ସଭାପତି ସି. ଏଚ. ଦିଲେଶ୍ଵର ରେଡି, ସମ୍ମାନିତ ଅତିଥି ଭାବେ ଏନ ଏ ସି ଅଧକ୍ଷ ଏ. ଜାନକୀ ରାମ ଯୋଗ ଦେଇ ଏହାର ଉଦଘାଟନ କରିବା ସହ ପାଠପଢ଼ା ସହ ଖେଳକୁଦ ପ୍ରତି ଗୁରୁତ୍ୱ ଦେବା ଏବଂ ଶିକ୍ଷା ଓ ନିଯୁକ୍ତି କ୍ଷେତ୍ରରେ ସହାୟକ ହୋଇପାରିବ ବୋଲି ପରାମର୍ଶ ଦେଇଥିଲେ। ଖେଳ ସଂଯୋଜକ ଡ଼. ଗିରିସ ଚନ୍ଦ୍ର ବେହେରା, ଖେଳ ଶିକ୍ଷକ ଶ୍ରୀନିବାସ ସାବତ ପରିଚାଳନା କରିଥିବା ବେଳେ କଲେଜର ସମସ୍ତ ପ୍ରାଧ୍ୟାପକ, ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ଉପସ୍ଥିତ ରହି ସହଯୋଗ କରିଥିଲେ।
Comments are closed.