ଗୋପାଳପୁର: ବ୍ରହ୍ମପୁର ବିଶ୍ଵବିଦ୍ୟାଳୟର ନୂତନ ସମ୍ମିଳନୀ କକ୍ଷରେ ଗୃହ ବିଜ୍ଞାନ ବିଭାଗ ପକ୍ଷରୁ ଦୁଇ ଦିନ ଧରି ଚାଲିଥିବା ନୂତନ ଆଧୁନୀକରଣ ସମାଜରେ ଗୃହ ବିଜ୍ଞାନର ସାଂପ୍ରତିକ ଉପଯୋଗିତା ଶୀର୍ଷକ ଜାତୀୟ ସମ୍ମିଳନୀ ଆଜି ଉଦଯାପିତ ହୋଇଛି। ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ ଅନ୍ତର୍ଭୁକ୍ତ ଗୋଷ୍ଠୀ ବିଜ୍ଞାନ ମହାବିଦ୍ୟାଳୟର ଡିନ ପ୍ରଫେସର୍ ତୃପ୍ତି ମହାନ୍ତି ଯୋଗ ଦେଇ ମାନବ ସମ୍ବଳ ବିକାଶ କ୍ଷେତ୍ରରେ ଉନ୍ନତ ଯୋଗଯୋଗ ଉପକରଣ, ହାଇସ୍ପିଡ ଇଣ୍ଟରନେଟ ଏବଂ ଏର୍ଗୋନୋମିକସକୁ ସଂଯୋଗ କରି ଗୃହ କାର୍ଯ୍ୟକୁ କିଭଳି ଭାବରେ ପରିଚାଳନା କରାଯାଇପାରୁଛି ସେ ସମ୍ପର୍କରେ ସୂଚନା ଦେଇଥିଲେ। ମୁଖ୍ୟ ବକ୍ତା ବ୍ରହ୍ମପୁର ଖଲ୍ଲିକୋଟ ଏକକ ବିଶ୍ଵବିଦ୍ୟାଳୟର କୁଳପତି ପ୍ରଫେସର୍ ପ୍ରଫୁଲ୍ଲ କୁମାର ମହାନ୍ତି ଯୋଗ ଦେଇଥିଲେ। ଏହି ଅବସରରେ ଭାଗ ନେଇଥିବା ଗବେଷକ ଗବେଷିକାମାନେ ନିଜ ନିଜ ସନ୍ଦର୍ଭ ପାଠ କରିଥିଲେ।
Popular Categories
Previous article
Next article