ଗୋପାଳପୁର: ଗୋପାଳପୁର ସ୍ଥିତ ଭାରତୀୟ ପ୍ରାଣୀ ବିଜ୍ଞାନ ସର୍ବେକ୍ଷଣ ସଂସ୍ଥାର ଜଣେ ଗବେଷକଙ୍କ ଡେଙ୍ଗୁରେ ଶୁକ୍ରବାର ଦିନ ବଲାଙ୍ଗୀରରେ ମୃତ୍ୟୁ ଘଟିଥିବା ଜଣାପଡିଛି। ମୃତ୍ୟୁ ବରଣ କରିଥିବା ଗବେଷକ ଜଣଙ୍କ ବଲାଙ୍ଗୀର ସହରର ଜତିନ୍ଦ୍ର ପଟେଲଙ୍କ ପୁଅ ରଜତ ପଟେଲ (୨୮ )। ମୃତ ଗବେଷକ ଜଣଙ୍କ ରେଭେନ୍ସାରେ ପିଏଚଡ଼ି କରୁଥିବା ସହ ଗୋପାଳପୁର ସ୍ଥିତ ଜେଡ ଏସ ଆଇର ନିର୍ଦେଶକ ପ୍ରଫେସର ଅନିଲ କୁମାର ମହାପାତ୍ରଙ୍କ ତତ୍ବାବଧାନରେ ଗୋପାଳପୁରରେ ରହି ଗବେଷଣା କରୁଥିଲେ। ସେ ଗତ ଏକ ବର୍ଷ ହେଲା ଜେଡ ଏସ ଆଇରେ ରହି ଗବେଷଣା କରୁଥିବା ବେଳେ ଗତ ଶୁକ୍ରବାର ବଲାଙ୍ଗୀରରୁ ଗୋପାଳପୁର ଫେରିଥିଲେ। ଶନିବାର ଦିନ ଜ୍ବର ହେବାରୁ ସୋମବାର ଡେଙ୍ଗୁ ପରୀକ୍ଷା କରିଥିଲେ। ରିପୋର୍ଟରେ ଡେଙ୍ଗୁ ପଜିଟିଭ ବାହାରିବା ପରେ ତୁରନ୍ତ ବଲାଙ୍ଗୀର ନିଜ ଘରକୁ ଫେରି ଯାଇଥିଲେ। କିନ୍ତୁ ଶୁକ୍ରବାର ଅପରାହ୍ନରେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା। ଘଟଣା ଜଣାପଡ଼ିବା ପରେ ଗୋପାଳପୁର ଜେଡ ଏସ ଆଇ ପରିସରରେ ଶୋକରେ ଛାୟା ଖେଳିଯାଇଛି। ମୃତକ ରଜତ ଏହା ମଧ୍ୟରେ ଓପିଏସସି ପକ୍ଷରୁ ଅନୁଷ୍ଠିତ ସହକାରୀ ପ୍ରଫେସର ପରୀକ୍ଷାରେ କୃତକାର୍ଯ୍ୟ ହୋଇଥିଲେ।
Popular Categories
Previous article
Next article