ରେଙ୍ଗାଲି: ଅଖିଳ ଭାରତୀୟ କଂଗ୍ରେସ କମିଟିର ନେତା ରାହୁଲ୍ ଗାନ୍ଧୀଙ୍କର ଭାରତ ଯୋଡୋ ଯାତ୍ରାର ଏକବର୍ଷ ପୂର୍ତ୍ତି ଅବସରରେ ପ୍ରଦେଶ କଂଗ୍ରେସ କମିଟିର ନିଷ୍ପତ୍ତି କ୍ରମେ ରେଙ୍ଗାଲି ବ୍ଲକ କଂଗ୍ରେସ କମିଟି ତରଫରୁ ଆଜି ଘିଚାମୁରା ଠାରେ ଘରେ ଘରେ ହାତ ହାତ ଘରେ ଘରେ କଂଗ୍ରେସ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ଏହି କାର୍ଯ୍ୟକ୍ରମରେ ଶହ ଶହ ସଂଖ୍ୟାରେ ମହିଳା ଓ ଯୁବକ ଅଂଶ ଗ୍ରହଣ କରି ୩ କିଲୋମିଟର ରାସ୍ତା ପଦଯାତ୍ରା କରି ଥିଲେ। କାର୍ଯ୍ୟକ୍ରମରେ ରେଙ୍ଗାଲି ବ୍ଲକ କଂଗ୍ରେସ କମିଟିର ସଭାପତି ଚତୁର୍ଭୁଜ ଝାଙ୍କର, ଜିଲ୍ଲା କଂଗ୍ରେସ ସାଧାରଣ ସମ୍ପାଦକ ସୁବାସ ବିଶ୍ଵାଳ, ରେଙ୍ଗାଲି ନିର୍ବାଚନ ମଣ୍ଡଳୀ ସଂଯୋଜକ ଦୁର୍ଗା ଶଙ୍କର ବାଗ, ସନ୍ତୋଷ ଭୋଇ, ଗତ ବିଧାନସଭାର ବିଧାୟକ ପ୍ରାର୍ଥୀ ବାଳକୃଷ୍ଣ ରୋହିଦାସ, ଅନିଲ ବେହେରା ପ୍ରମୁଖ ନେତୃବୃନ୍ଦଙ୍କ ତତ୍ତ୍ବାବଧାନରେ ପଦଯାତ୍ରା ଘିଚାମୁରା ଗୌରଡିହି ଠାରୁ ଆରମ୍ଭ ହୋଇ ଘିଚାମୁରା ଗାଁ ପରିକ୍ରମା କରି ହାଇସ୍କୁଲ ପଡିଆ ପର୍ଯ୍ୟନ୍ତ ଯାଇଥିଲା। ସେଠାରେ ବ୍ଲକ ସଭାପତି ଶ୍ରୀ ଝାଙ୍କରଙ୍କ ସଭାପତିତ୍ବରେ ଅନୁଷ୍ଠିତ ପଥପ୍ରାନ୍ତ ସଭାରେ ଜିଲ୍ଲା କଂଗ୍ରେସ ସଭାପତି ରାଜେନ୍ଦ୍ର ଛତ୍ରିଆ, ପୁର୍ବତନ ଜିଲ୍ଲା ସଭାପତି ଅଶ୍ଵନୀ ଗୁରୁ ପିସିସି ସମ୍ପାଦକ ଦୁଲାଲ ପଧାନ, ପିସିସି କାର୍ଯ୍ୟକର୍ତ୍ତା ଜିତେନ୍ଦ୍ରିୟ ପଧାନ, ଜିଲ୍ଲା କଂଗ୍ରେସ ସଭାନେତ୍ରୀ ବିଜୟ ଲକ୍ଷ୍ମୀ ବେହେରା, ଜିିିଲ୍ଲାଯୁବ କଂଗ୍ରେସ ସଭାପତି ପ୍ଳାବନ ବହିଦାର, ଜିଲ୍ଲା ସାଧାରଣ ସମ୍ପାଦକ ସରୋଜ ପୂଜାରୀ ବ୍ୟକ୍ତବ୍ୟ ରଖିଥିଲେ। ଦେଶର ହିତପାଇଁ କଂଗ୍ରେସର ହାତମୁଠାକୁ ଟାଣ କରିବା ପାଇଁ ସଂକଳ୍ପ ନେବାକୁ ଜନସାଧାରଣଙ୍କୁ ନେତୃବୃନ୍ଦ ଆହ୍ବାନ ଦେଇଥିଲେ।
Comments are closed.