ଫୁଲବାଣୀ: କନ୍ଧମାଳ ଜିଲ୍ଲାର ଖଜୁରୀପଡ଼ା ବ୍ଲକ୍ ଅନ୍ତର୍ଗତ ବିଳାବାଡି ପଞ୍ଚାୟତର ଏକ ବହୁ ପୁରାତନ ପୋଲ ଭାଙ୍ଗି ଯାତାୟତ ଠପ୍ ହୋଇଯାଇଛି। ସୂଚନା ପ୍ରକାରେ ଖଜୁରୀପଡ଼ା ବ୍ଲକ୍ ଦୁର୍ଗମ ଅଞ୍ଚଳ ଭାବେ ପରିଗଣିତ ବିଳାବାଡି ପଞ୍ଚାୟତ। ଜାତୀୟ ରାଜପଥ ୧୫୭ ନଂ ଠାରୁ ମାତ୍ର ୧୪ କିଲୋମିଟର ଦୂରତା ହୋଇ ଥିଲେ ମଧ୍ୟ ଆଜି ବି ତିଆରି ହୋଇ ପାରୁନାହିଁ ଏହି ପଞ୍ଚାୟତ ଇଲାକାରେ ରାସ୍ତା ଘାଟ ଓ ଅନ୍ୟାନ୍ୟ କାର୍ୟ୍ୟ। ଯାହା ପାଇଁ ଆଜି ଏହି ପଞ୍ଚାୟତ ବାସୀ ଶିକ୍ଷା, ସ୍ୱାସ୍ଥ୍ୟ ଓ ସରକାର ଙ୍କର ବିଭିନ୍ନ ମୈ।ଳିକ ସୁବିଧା ରୁ ଆଜି ଯାଏଁ ହେଉଛନ୍ତି ବଞ୍ଚିତ। ଏହି ପାଜିବଣା ନାମକ ସ୍ଥାନରେ ଥିବା ବହୁ ପୁରାତନ ପୋଲ ବର୍ଷା ଯୋଗୁଁ ଭାଙ୍ଗି ଯିବା ଫଳରେ ୨୦ ଗୋଟି ଗ୍ରାମର ଡଙ୍ଗା, ଶିକାଡି, ଲୁଦୁଲୁଦି, କାଣିପେନୁ, ଖଲିମାଟି, କୁଟିବାରି, କରଡାବଣି, ବାନ୍ଧନପାଜୁ, ଗିନାନିନ୍ଦା, ନିକିନିନ୍ଦା, ବାନରାଦେଇ, ପାତ୍ରସୁଗା ,ବିଳାବାଡି, ବଡ଼ଝରି ପରି ବିଭିନ୍ନ ଗାଁ ଗୁଡିକୁ ଯିବା ଆସିବା ଠପ୍ ହୋଇଯାଇଛି। ପୋଲ ନିର୍ମାଣ ପାଇଁ ୨୦୨୦ ମସିହା ଠାରୁ ଦାବି କରି ଆସୁଥିଲେ ମଧ୍ୟ ନିର୍ମାଣ ହୋଇ ପାରିନ ନ ଥିଲା ଯାହା ଫଳରେ ଆଜି ସେହି ପୋଲ ବର୍ତ୍ତମାନ ଭାଙ୍ଗି ଯାଇ ବହୁ ଅସୁବିଧା ସୃଷ୍ଟି ହେଉଛି। ତେଣୁ ଏହି ପୋଲ ପାଇଁ ପୂର୍ବରୁ ବ୍ଲକ୍ କତୃପକ୍ଷ କୁ ବହୁବାର ଜଣାଇଥିଲେ ମଧ୍ୟ ନିର୍ମାଣ ନ ହୋଇ ଥିବାରୁ ଆଜି ଯଥାଶୀଘ୍ର ପୋଲ ନିର୍ମାଣ ପାଇଁ ବିଳାବାଡି ସରପଞ୍ଚ ରବିନ୍ଦ୍ର ଭୁକ୍ତା ଜିଲା ପ୍ରଶାସନକୁ ଦାବିପତ୍ର ପ୍ରଦାନ କରିଛନ୍ତି।
Popular Categories
Previous article
Next article