ହରଭଙ୍ଗା: ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଖୋର୍ଦ୍ଧା –ବଲାଙ୍ଗିର ୫୭ନଂ ଯାତୀୟ ରାଜପଥ ହରେକୃଷ୍ଣପୁର ଠାରେ ନବନିର୍ମ୍ମିତ ଚିଲାଖଣ୍ଡି ପୋଲର ନିମ୍ନମାନର କାମକୁ ବିରୋଧ କରି ମରାମତି ଦାବିରେ ମଙ୍ଗଳବାର ଗ୍ରାମବାସୀ ରାସ୍ତାରୋକ କରିଥିଲେ।ଫଳରେ ଉଭୟ ପାର୍ଶ୍ବରେ ଶହ ଶହ ଗାଡି ଅଟକି ରିହିଥିବା ବେଳେ ଯାତ୍ରୀ ନାହିଁନଥିବା ଅସୁବିଧାର ସମ୍ମୁଖିନ ହୋଇଥିଲେ।ସୂଚନାନୁସାରେ ହରେକୃଷ୍ଣପୁର ଶିବ ମନ୍ଦିର ପାଖ ଏନଏଚ ୫୭ ଉପରେ ଥିବା ଚିଲାଖଣ୍ଡି ପୁରୁଣାପୋଲ ଦୀର୍ଘ ଦିନ ହେଲା ବିପଦପୁର୍ଣ୍ଣ ଅବସ୍ଥାରେ ରହିଥିଲା। ଏହା ସହ ପଥଚାରୀଙ୍କ ପାଇଁ ଏହି ପୋଲ ଦୁର୍ଘଟଣା ଯୋନ ପାଲଟିଥିଲା। ଏହାକୁ ଦୃଷ୍ଟିରେ ରଖି ଜାତୀୟ ରାଜପଥ ପକ୍ଷରୁ ଏହାର ଅପର ପାର୍ଶ୍ବରେ ଏକ ନୂତନ ପୋଲ ନିର୍ମାଣ କରାଯାଇଥିଲା। ଏହି ନିର୍ମାଣ କାର୍ଯ୍ୟ ଏଆରଆରଏସ ନାମକ ଏକ ବେସରକାରୀ ସଂସ୍ଥାକୁ ନିୟୋଜିତ କରାଯାଇଥିଲା। ଏଆରଏସଏସ ଠିକା ସଂସ୍ଥାର ମନମୁଖୀ ଏବଂ ନିମ୍ନ ମାନର କାର୍ଯ୍ୟଯୋଗୁଁ ୪ରୁ ୫ ବର୍ଷ ମଧ୍ୟରେ ରାସ୍ତାର ମଧ୍ୟ ଭାଗରେ ବଡବଡ ଗର୍ତ୍ତ ସୃଷ୍ଟି ହୋଇ ଲୁହା ରଡ ଦେଖାଯାଉଛି।ଫଳରେ ବିଭିନ୍ନ ସମୟରେ ଦୁର୍ଘଟଣା ମାନ ଘଟୁଛି। ପୋଲ ମରାମତି ନିମନ୍ତେ ଗ୍ରାମବାସୀ ଉପରିସ୍ଥ ଅଧିକାରୀଙ୍କୁ ଜଣେଇଥିଲେ ମଧ୍ୟ କେହି କର୍ଣ୍ଣପାତ କରୁନଥିବା ଗ୍ରାମବାସୀ ଅଭିଯୋଗ କ଼ରିଛନ୍ତି। ଆଜି ନିମ୍ନମାନର ପୋଲ ନିର୍ମାଣ ପ୍ରତିବାଦରେ ଗ୍ରାମବାସୀ ରାସ୍ତା ରୋକ କରିଥିଲେ। ଦୀର୍ଘ ୪ଘଣ୍ଟା ରାସ୍ତା ଅବରୋଧ ପରେ ହରଭଙ୍ଗା ତହସିଲଦାର ଶୀବାନି ଦାଶ ଏବଂ ଅତିରିକ୍ତ ତହସିଲଦାର ଶମ୍ବିତ ସାମଲ ଘଟଣାସ୍ଥଳରେ ପହଂଚି ଗ୍ରାମବାସୀଙ୍କ ସହ ଆଲୋଚନା କରିଥିଲେ। ଦୁଇରୁ ତିନିଦିନ ମଧ୍ୟରେ ଏଆରଏସଏସ ଠିକା ସଂସ୍ଥା ପୋଲ ମରାମତି କରିବା ସହ ୨୦ଫିଟର ନୂତନ ସ୍ଲାପ ନିର୍ମାଣ ପାଇଁ ତହସଲିଦାର ଗ୍ରାମବାସୀଙ୍କୁ ପ୍ରତିଶୃତି ଦେଇଥିଲେ। ପରେ ରାସ୍ତା ରୋକ ହଟିବା ସହ ଗାଡି ଚଳାଚଳ ସ୍ୱାଭାବିକ ହୋଇଥିଲା।
Popular Categories
Previous article
Next article