ଲକ୍ଷ୍ମୀପୁର: ଲକ୍ଷ୍ମୀପୁର ଠାରୁ ଟିକିରି ଯାଇଥିବା ରାସ୍ତାର ଅବସ୍ଥା ଅତ୍ଯନ୍ତ ଶୋଚନୀୟ ହୋଇପଡ଼ିଛି। ଫଳରେ ଯାନବାହାନ ଚଳାଚଳରେ ଘୋର ଅସୁବିଧା ସୃଷ୍ଟି ହେବା ସହିତ ଦୁର୍ଘଟଣା ଘଟି ଧନଜୀବନ ହାନୀ ହେଉଛି। ଲକ୍ଷ୍ମୀପୁର ରେଳବାଇ ଛକ ଠାରୁ ଟିକିରି ପର୍ଯ୍ୟନ୍ତ ପ୍ରାୟ ପିଚୁ ରାସ୍ତାଟି ଶୋଚନୀୟ ହୋଇପଡ଼ିଛି। ରାସ୍ତାଟି ପ୍ରଥମେ ଅଣ ଓସାରିଆ ଥିଲା। କିଛି ବର୍ଷ ହେଲା ଏହାର ପ୍ରଶସ୍ତିକରଣ କରାଯାଇଛି। ରାସ୍ତାରେ ପ୍ରାୟ ସ୍ଥାନରେ ଛୋଟ ଛୋଟ ପୋଖରୀ ସଦୃଶ ଗର୍ତ୍ତ ମାନ ସୃଷ୍ଟି ହୋଇ ଯାତାୟାତରେ ବହୁତ ଅସୁବିଧା ଉପୁଜୁଛି। ଲକ୍ଷ୍ମୀପୁର ରେଳବାଇ ଛକ ଠାରୁ ସିଙ୍ଗସରାମ୍ ପର୍ଯ୍ୟନ୍ତ ପ୍ରାୟ ୧୫ କିଲୋମିଟର ପର୍ଯ୍ୟନ୍ତ ରାସ୍ତା ଅଢ଼େଇ ବର୍ଷ ହେବ ପ୍ରଶସ୍ତିକରଣ କରାଯାଇଥିଲା। ତେବେ ନିର୍ମାଣର ମାତ୍ର ବର୍ଷକ ପରେ ରାସ୍ତାର ଅବସ୍ଥା ଦୟନୀୟ ହୋଇ ପଡିଛି।
Comments are closed.