ପାଟଣା/କାମାକ୍ଷାନଗର: ଘଟଗାଁ ବ୍ଲକ ଅନ୍ତର୍ଗତ ଢେଙ୍କିକୋଟ ଓଡିଶା ଆଦର୍ଶ ବିଦ୍ୟାଳୟ ଓ କାମାକ୍ଷାନଗର ଓଡିଶା ଆଦର୍ଶ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ମାନେ ଆଜି କଳା ବ୍ୟାଜ ପିନ୍ଧି ନୀରବ ପ୍ରତିବାଦ ଜଣାଇଛନ୍ତି। ସେହିପରି ସାହାରପଡ଼ା ଆଦର୍ଶ ବିଦ୍ୟାଳୟ ଏବଂ ପାଟଣା ଆଦର୍ଶ ବିଦ୍ୟାଳୟ ଗୁଡିକରେ ସମାନ ପ୍ରକାରର ପ୍ରତିବାଦ ଦେଖିବାକୁ ମିଳିଛି। ବିଗତ ଦିନରେ ସଂଘ ତରଫରୁ ସରକାରଙ୍କ ଉଦ୍ଦେଶ୍ୟରେ ବାରମ୍ବାର ଦାବିପତ୍ର ଦିଆ ଯାଇଥିଲେ ମଧ୍ୟ ତାହା ଆଜି ପର୍ୟ୍ୟନ୍ତ ପୂରଣ ହୋଇପାରି ନାହିଁ।
ଏହି ଦାବିପତ୍ରରେ ଓଡ଼ିଶା ର ଅନ୍ୟାନ୍ୟ କର୍ମଚାରୀଙ୍କ ଭଳି ଆଦର୍ଶ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ମାନଙ୍କୁ ଏଚ୍.ଆର.ଏମ.ଏସ ଓ ଟ୍ରେଜେରି ଚାଲାଣ ମାଧ୍ୟମରେ ଦରମା ପ୍ରଦାନ ଏବଂ ଷ୍ଟେଟ କ୍ୟାଡ଼ର ରୁଲ ଲାଗୁ କରିବା ହେବା ଭଳି ବିଭିନ୍ନ ଦାବି ଉଲ୍ଲେଖ ରହିଛି।
