ସମ୍ବଲପୁର: ସମ୍ବଲପୁରର କମିଶନର କଲୋନୀ ହାଇସ୍କୁଲ ପଛ ପଟରେ ନିର୍ମିତ ଧୋବିଜୋର ବନ୍ୟାଜଳ ନିଷ୍କାସନ ପ୍ରକଳ୍ପ ମାଧ୍ୟମରେ ସହରର ଆବର୍ଜନା ଓ ନର୍ଦ୍ଦମା ପାଣି ହରଡ ଯୋର ନାଳରେ ସିଧାସଳଖ ମିଶୁଛି। ହରଡ ଯୋର ନାଳ ଉପରେ ଗୋବିନ୍ଦତୋଲା, ଧନୁପାଲି, ମାଳତି ଯୋର, ଖଣ୍ଡୁଆଳ ପର୍ଯ୍ୟନ୍ତ ହଜାର ହଜାର ବ୍ୟକ୍ତି ପ୍ରତ୍ୟହ ନିର୍ଭରଶୀଳ। ଏହାର ପାଣି ନିୟମିତ ନିତ୍ୟ ବ୍ୟବହାର୍ଯ୍ୟ ସହିତ ଖାଇବା ଓ ଗାଧୋଇବା ପାଇଁ ମଧ୍ୟ ବ୍ୟବହାର କରାଯାଇଥାଏ। ନର୍ଦ୍ଦମା ପାଣି ମିଶୁଥିବାରୁ ଏହି ଜଳ ବ୍ୟବହାର କରୁଥିବା ଲୋକଙ୍କ ମଧ୍ୟରେ ବିଭିନ୍ନ ପ୍ରକାରର ଚର୍ମ ରୋଗ, ଯକ୍ଷ୍ମା ଭଳି ରୋଗ ବ୍ୟାଧି ଦେଖା ଦେବାରେ ଲାଗିଛି। ଏଣୁ ଅଞ୍ଚଳବାସୀ ଅନେକବାର ଜିଲା ପ୍ରଶାସନ ନିକଟରେ ଏହାର ସ୍ଥାୟୀ ସମାଧାନ ପାଇଁ ଦାବି କରି ସାରିଥିଲେ ସୁଦ୍ଧା ଆଜି ପର୍ଯ୍ୟନ୍ତ କୌଣସି ସୁଫଳ ମିଳି ନାହିଁ। ଜନତାଙ୍କ ସ୍ୱାସ୍ଥ୍ୟ ସୁରକ୍ଷାକୁ ଧ୍ୟାନରେ ରଖି ତୁରନ୍ତ ଏଠାରେ ଏକ ଆନିକଟ ଓ ନର୍ଦ୍ଦମା ପାଣିକୁ ଫିଲଟର କରିବାର ବ୍ୟବସ୍ଥା କରାଗଲେ ଲୋକେ ରୋଗ ବ୍ୟାଧିରୁ ମୁକ୍ତ ହେବେ ବୋଲି ସାଧାଣରେ ଦାବୀ କରାଯାଉଛି।
Popular Categories
Previous article
Next article