ଆଠଗଡ଼: ଆଠଗଡ଼ର ଆରାଧ୍ୟ ପ୍ରଭୁ ରାଧାଗୋବିନ୍ଦ ଜୀଉଙ୍କର ଝୁଲଣ ଯାତ୍ରା ଶନିବାରଠାରୁ ଆରମ୍ଭ ହୋଇଛି। ଶନିବାର ଅଧବାସ ପରେ ରବିବାର ପାରମ୍ପରିକ ଝୁଲଣ ଯାତ୍ରା ଅନୁଷ୍ଠିତ ହୋଇଛି। ପ୍ରତିିଦିନ ସନ୍ଧ୍ୟାରେ ଶ୍ରୀରାଧା, କୃଷ୍ଣ ଓ ବଳରାମଙ୍କର ପ୍ରତିମାକୁ ସୁସଜ୍ଜିତ ଝୁଲଣରେ ବିରାଜମାନ କରାଇ ସନ୍ଧ୍ୟା ଆଳତୀ ହେବା ପରେ ସେଠାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହେଉଛି। ସୋମବାର ସ୍ଥାନୀୟ କଳାକାରମାନେ ଭଜନ ପରିବେଷଣ କରିଥିଲେ। ମଙ୍ଗଳବାରଠାରୁ ପୁରୀରୁ ଆସିଥିବା ଗୋଟିପୁଅ ନୃତ୍ୟଦଳ ଝୁଲଣ ମନ୍ଦିରରେ ଚିତାକର୍ଷକ ଗୋଟିପୁଅ ନୃତ୍ୟ ପରିବେଷଣ କରୁଥିବା ବେଳେ ବହୁ ଶ୍ରଦ୍ଧାଳୁଙ୍କ ସମାଗମ ଦେଖିବାକୁ ମିଳୁଛି। ଆସନ୍ତା ଗୁରୁବାର ଗହ୍ମାପୂଣ୍ଣିମାରେ ଝୁଲଣ ଯାତ୍ରା ଶେଷ ହେବ।
Comments are closed.