କଲମପୁର: ନିର୍ବାଚନ ପାଖେଇ ଆସିବାରୁ ‘ମୋ ଓଡ଼ିଶା ନବୀନ ଓଡ଼ିଶା’ ଯୋଜନାରେ କୋଟି କୋଟି ଟଙ୍କାର ଅନୁଦାନ ଘୋଷଣା କରାଯାଉଛି ଯାହା କେବଳ ଭୋଟରଙ୍କୁ ପ୍ରଭାବିତ କରିବା ଏବଂ ନିଜ ଦଳୀୟ କର୍ମୀଙ୍କୁ ରୋଜଗାର ଯୋଗାଇବା ପାଇଁ ବୋଲି ବି.ଜେ.ପି ବିଜମରା ମଣ୍ଡଳର ମୀନଗୁର ଏବଂ କଲମପୁର ମଣ୍ଡଳ ପଣ୍ଡିଗାଁ ପଂଚାୟତ ଘେରାଉ କାର୍ଯ୍ୟକ୍ରମ ଅବସରରେ ନେତୃବୃନ୍ଦ ମତବ୍ୟକ୍ତ କରିଛନ୍ତି। ବିଜମରା ମଣ୍ଡଳ ସଭାପତି ଅରୁଣ କୁମାର ପଣ୍ଡାଙ୍କ ଅଧ୍ୟକ୍ଷତାରେ ମୀନଗୁର ଏବଂ କଲମପୁର ମଣ୍ଡଳ ସଭାପତି କମଳ ବାଗଙ୍କ ଅଧ୍ୟକ୍ଷତାରେ ପଣ୍ଡାଗାଁ ପଂଚାୟତ ଘେରାଉ କରାଯାଇଥିଲା। ଦୁଇଟି ପର୍ଯ୍ୟାୟରେ ଆୟୋଜିତ ଏହି କାର୍ଯ୍ୟକ୍ରମରେ ଜିଲ୍ଲା ଯୁବମୋର୍ଚ୍ଚା ସଭାପତି ବିଜୟ ଦେବ ସାହୁ ଯୋଗ ଦେଇ ରାଜ୍ୟ ସରକାରଙ୍କ ଭ୍ରଷ୍ଟାଚାର ଶାସନରେ ଆଜି ଲୋକେ ଅତିଷ୍ଟ ହେଉଥିବା କହିଥିଲେ। ସୁମନ୍ତ କୁମାର ପଣ୍ଡା, ଯୁଧିଷ୍ଠିର ମାଝୀ, ମକୁନ୍ଦ ତେଣ୍ଡକାରୀ, ସୁଧିର କୁମାର ରାୁତ, ସୁଜିତ କୁମାର ଦଣ୍ଡସେନା, ହରେକୃଷ୍ଣ ସାହୁ, ଖିରୋଦ ନାଏକ, କପିଳ ପଟେଲ, ସୌରଭ କୁମାର ବେହେରା, ନୀଳକଣ୍ଠ ସୁନାନୀ ପ୍ରମୁଖଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ ଅନୁଷ୍ଠିତ ହେଇଥିଲା।
Comments are closed.