ବୌଦ୍ଧ: ବିଶ୍ୱ ଜନଜାତି ଦିବସ ଅବସରରେ ବୌଦ୍ଧ ନିର୍ବାଚନ ମଣ୍ଡଳୀ ଅନ୍ତର୍ଗତ ହରଭଙ୍ଗା ବ୍ଲକର ବାଇସପଡ଼ା ଗ୍ରାମରେ ଜିଲ୍ଲା କଂଗ୍ରେସ କମିଟି ପକ୍ଷରୁ ଆଦିବାସୀ ଗୌରବ ପର୍ବ ଅନୁଷ୍ଠିତ ହୋଇଯାଇଛି। ଏହି ଅବସରରେ ଅନୁଷ୍ଠିତ ସଭାରେ ଜିଲ୍ଲା କଂଗ୍ରେସ କମିଟି ର ସଭାପତି ନବ କୁମାର ମିଶ୍ର ସଭାପତିତ୍ୱ କରି ନିଜର ବକ୍ତବ୍ୟରେ ବର୍ତ୍ତମାନର ବିଜେପି ସରକାର ଓ ରାଜ୍ୟର ବିଜେଡି ସରକାର ମିଳିମିଶି ଆଦିବାସୀ ସଂପ୍ରଦାୟଙ୍କୁ ଯେଉଁଭଳି ଭାବରେ ଅବହେଳା ଏବଂ ଶୋଷଣ କରୁଛନ୍ତି ସେଥି ସଂପର୍କରେ ବିଭିନ୍ନ ପ୍ରସଙ୍ଗ ଉପସ୍ଥାପନ କରିଥିଲେ। ସଭାରେ ପର୍ଯ୍ୟବେକ୍ଷକ ଭାବରେ ବିଳାସିନୀ ନାୟକ ମଣିପୁର ପ୍ରସଙ୍ଗ ଉପସ୍ଥାପନ କରିବା ସହ ଏହି ପ୍ରସଙ୍ଗରେ କେନ୍ଦ୍ର ବିଜେପି ସରକାରକୁ ରାଜ୍ୟ ବିଜେଡି ସରକାର ଯେଉଁ ସମର୍ଥନ କରିଛି ତାହାର ଘୋର ନିନ୍ଦା କରିଥିଲେ। ଏହା ବ୍ୟତିତ ରାଜ୍ୟ ସରକାରଙ୍କ ଦ୍ୱାରା ବିଭିନ୍ନ ସମୟରେ ମହିଳାମାନଙ୍କ ଉପରେ ହେଉଥିବା ଅତ୍ୟାଚାରକୁ କଟୁ ସମାଲୋଚନା କରିଥିଲେ। ଅନ୍ୟମାନଙ୍କ ମଧ୍ୟରେ ପିସିସି ସଭ୍ୟ ଗଣେଷ ଅଗ୍ରୱାଲା, କ୍ଷେତ୍ରବାସୀ ପ୍ରଧାନ, ବଂଶୀଧର ଜାନି, ଚିତ୍ରସେନ ମଲ୍ଲିକ, ନାରାୟଣ ଦେହୁରୀ, ଶାନ୍ତନୁ ମହାପାତ୍ର, ସମରେଶ ମିଶ୍ର ଯୋଗଦେଇ ଦେଶ ସ୍ୱାଧିନତା ପରଠାରୁ କଂଗ୍ରେସ ଦଳ ଆଦିବାସୀ ମାନଙ୍କ ଜମି, ଜଳ, ଜଙ୍ଗଲ ଆଦି ଯେଉଁ ମୌଳିକ ସୁବିଧା ଯୋଗାଇ ଦେଇଥିଲା ତାହା ବର୍ତ୍ତମାନର ବିଜେପି ଓ ବିଜେଡି ସରକାର ଯେଉଁଭଳି ଭାବରେ ଛଡାଇ ନେଉଛନ୍ତି ସେ ସଂପର୍କରେ ଆଲୋକପାତ କରିଥିଲେ। ଏହି ଅବସରରେ ସିଆରପିଏଫ ଜବାନ ପ୍ରଦିପ ମଲ୍ଲିକ, ପତାମ୍ବର କହଁର, ଲମ୍ବୋଦର କହଁର, ନାରାୟଣ ଦେହୁରୀ, ଦୈମତୀ ମାଝି, ଉର୍ମିଳା ପ୍ରଧାନ, ପ୍ରତାପ ଜାନୀ ପ୍ରମୁଖଙ୍କୁ ସମ୍ବର୍ଦ୍ଧନା ପ୍ରଦାନ କରାଯାଇଥିଲା।
Popular Categories
Previous article
Next article