ନୀଳଗିରି: ବାଲେଶ୍ୱର ଜିଲା ଅଧୀନ ନୀଳଗିରିରେ ପ୍ରବାହିତ ହୋଇଥିବା ସୋନ ନଦୀରେ ଜଳସ୍ତର ବୃଦ୍ଧି ପାଇ ଏକାଧିକ ଗାଁ ଜଳବନ୍ଦୀ ହୋଇଛି। ଲଘୁଚାପ ଜନିତ ଲଗାଣ ବର୍ଷାରେ ନୀଳଗିରି ଉପଖଣ୍ଡର ଜନଜୀବନ ଅସ୍ତବ୍ୟସ୍ତ ହୋଇ ପଡ଼ିଛି। କାହାଘରେ ପାଣି ପଶି ଯାଇଛି ତ ଆଉ କାହା ଘରେ ଚୁଲି ଚାଉଳ ଭସାଇ ନେଇଛି। ଜଳବନ୍ଦୀରେ ରହି ବିପନ୍ନ ପରିବାର ହାହାକାର ଛାଡ଼ୁଥିବା ବେଳେ ପ୍ରଶାସନ ସେମାନଙ୍କ ପାଖରେ ଅପହଞ୍ଚ ହୋଇପଡ଼ିଛି। ସୋନ ନଦୀ ଫୁଲିବା ଯୋଗୁ ନୀଳଗିରିର ଦ୍ୱୀପ କୁହାଯାଉଥିବା ବାଡ଼ିଆ ଗାଁ ସମେତ କାଠପାଳ, ଜୁଣକୋଇଲି, କରଞ୍ଜିଆ, ଖସାପଡ଼ିଆ, କୋହ୍ଲାପାଳ, ମଛୁଆ ଓ ବେଗୁନିଆର ଏକାଧିକ ଗାଁ ଜଳମଗ୍ନ ହୋଇଛି। ବର୍ଷା ବିତ୍ପାତ ବଢ଼ିଲେ ଅଞ୍ଚଳବାସୀଙ୍କ ଅବସ୍ଥା ଅସମ୍ଭାଳ ହୋଇ ପଡ଼ିବ ବୋଲି କୁହାଯାଉଛି। ସେପଟେ ଔପଦା ବ୍ଲକର କାଣ୍ଡଗରଡ଼ି ପଞ୍ଚାୟତ ଅଧୀନ ହୁଣ୍ଟାପୁର, ବାରୁଦଖାନା, ଦକ୍ଷିଣନରସିଂହପୁର, ନୀଳଗିରି ବ୍ଲକ ଗରଡ଼ିହି ପଞ୍ଚାୟତର ସଅରସାହି ଜଳମଗ୍ନ ହୋଇ ପଡ଼ିଛି।
Popular Categories
Previous article
Next article