ସମ୍ବଲପୁର: ପୂର୍ବତଟ ରେଳପଥ ଅର୍ନ୍ତଗତ ସମ୍ବଲପୁର ରେଳ ମଣ୍ଡଳରେ ବିଭିନ୍ନ ଉନ୍ନୟନମୂଳକ କାର୍ଯ୍ୟ ଜାରି ରହିଛି। ଏଥି ପାଇଁ ରେଳ ଚଳାଚଳରେ ଆଂଶିକ ବ୍ୟାହତ ସୃଷ୍ଟି ହୋଇଛି। ରେଳବାଇ ପକ୍ଷରୁ ଜାରି ସୂଚନାନୁଯାୟୀ, ରେଳଗାଡି ସଂଖ୍ୟା ୧୮୧୨୫/୧୮୧୨୬ ରାଉରକେଲା – ପୁରୀ – ରାଉରକେଲା ଏକ୍ସପ୍ରେସ ୧୫ ତାରିଖରେ ବାତିଲ ରହିବ। ରେଳଗାଡି ସଂଖ୍ୟା ୦୮୨୬୩ ଟିଟିଲାଗଡ଼ – ବିଲାସପୁର ସ୍ୱତନ୍ତ୍ର ୧୫ ତାରିଖରେ ସମ୍ବଲପୁର ପର୍ଯ୍ୟନ୍ତ ଆସି ପୁଣି ରେଳଗାଡି ସଂଖ୍ୟା ୦୮୨୬୪ ହୋଇ ଟିଟିଲାଗଡ଼କୁ ଫେରିଯିବ। ସମ୍ବଲପୁର ରୁ ବିଲାସପୁର ମଧ୍ୟରେ ଉଭୟ ଦିଗରୁ ୧୫ ତାରିଖରେ ଚଳାଚଳ ବାତିଲ ରହିବ। ସେହିଭଳି ରେଳଗାଡି ସଂଖ୍ୟା ୨୦୮୧୭ ଭୁବନେଶ୍ୱର – ନୁଆଦିଲ୍ଲୀ ରାଜଧାନୀ ଏକ୍ସପ୍ରେସ ୧ ଘଣ୍ଟା ୩୦ ମିନିଟ ବିଳମ୍ବରେ ଭୁବନେଶ୍ୱରରୁ ଛାଡିବ। ରେଳଗାଡି ୧୮୩୦୯ ସମ୍ବଲପୁର – ଜାମ୍ମୁ ତାୱି ଏକ୍ସପ୍ରେସ ୩ ଘଣ୍ଟା ବିଳମ୍ବରେ ତାର ଗନ୍ତବ୍ୟସ୍ଥଳ ପାଇଁ ୧୫ ତାରିଖରେ ଛାଡିବ ବୋଲି ରେଳବାଇ ପକ୍ଷରୁ ସୂଚନା ଦିଆଯାଇଛି।
Comments are closed.