ସମ୍ବଲପୁର: ପୁରୀ ଶ୍ରୀକ୍ଷେତ୍ରରେ ପ୍ରସିଦ୍ଧ ରଥଯାତ୍ରା ସମୟରେ ଦୁଇ ଜଣ ସାମ୍ବାଦିକ ମାନଙ୍କ ଉପରେ ଆକ୍ରମଣ ଘଟଣାର ନିନ୍ଦା କରାଯିବା ସହିତ ଏହାର ପୁଙ୍ଖାନୁପୁଙ୍ଖ ତଦନ୍ତ ଓ ସମ୍ପୃକ୍ତ ଦୋଷୀ ବିରୋଧରେ ଉପଯୁକ୍ତ କାର୍ଯ୍ୟାନୁଷ୍ଠାନ ପାଇଁ ସମ୍ବଲପୁରର ସାମ୍ବାଦିକ ମାନେ ଦାବି କରିଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟକୁ ଜିଲାପାଳଙ୍କ ଜରିଆରେ ପ୍ରଦତ୍ତ ଦାବିପତ୍ର ଅନୁଯାୟୀ, ସାମ୍ବାଦିକ ସୁରକ୍ଷା ଆଇନ ପ୍ରଣୟନ ପାଇଁ ଓଡ଼ିଶା ବିଧାନସଭାରେ ଯଥା ବିଧି ପ୍ରସ୍ତାବ ଆଣିବା ପାଇଁ ମଧ୍ୟ ଦାବି କରାଯାଇଛି। ଅନ୍ୟ ରାଜ୍ୟ ଗୁଡିକରେ ଏଭଳି ଆଇନଗତ ବ୍ୟବସ୍ଥା ରହିଥିବା ବେଳେ ଓଡ଼ିଶାରେ ଏ ପର୍ଯ୍ୟନ୍ତ ଏହା କାର୍ଯ୍ୟକାରୀ କରାଯାଇ ନାହିଁ। ପ୍ରଚଳିତ ଗଣତାନ୍ତ୍ରିକ ବ୍ୟବସ୍ଥାରେ ସାମ୍ବାଦିକ ମାନଙ୍କ ଭୂମିକା ଯଥେଷ୍ଟ ଗୁରୁତ୍ୱପୁର୍ଣ୍ଣ ରହିଥିବାରୁ ସମ୍ପୁର୍ଣ୍ଣ ବ୍ୟବସ୍ଥାରେ ପାରିଦର୍ଶିତା ରହିପାରୁଛି। ଏପରି ସ୍ଥଳରେ ସାମ୍ବାଦିକ ମାନଙ୍କ ଉପରେ ଆକ୍ରମଣ ଘୋର ନିନ୍ଦନୀୟ ଅଟେ ବୋଲି ଦାବିପତ୍ରରେ ଉଲ୍ଲେଖ୍ୟ କରାଯାଇଛି। ଏଣୁ ପୁରୀ ଠାରେ ଘଟିଥିବା ଘଟଣାକୁ ଉଚିତ ଗୁରୁତ୍ୱର ସହିତ ଗ୍ରହଣ କରି ଏହାର ପୁଙ୍ଖାନୁପୁଙ୍ଖ ତଦନ୍ତ ଓ ସମ୍ପୃକ୍ତ ଦୋଷୀଙ୍କୁ ଦଣ୍ଡିତ କରିବା।ପଇଁ ମୁଖ୍ୟମନ୍ତ୍ରୀଙ୍କ ଅନୁରୋଧ କରାଯାଇଛି। ସମ୍ବଲପୁରରେ ସକ୍ରିୟ ସାମ୍ବାଦିକ କଲ୍ୟାଣ ସଂଘ ପକ୍ଷରୁ ପ୍ରଦତ୍ତ ଏହି ଦାବିପତ୍ର ପ୍ରଦାନ ସମୟରେ ପ୍ରାୟ ୨୦ ଜଣ ସାମ୍ବାଦିକ ଉପସ୍ଥିତ ରହି ଜିଲାପାଳଙ୍କ ସହିତ ଆଲୋଚନା କରିଥିଲେ।
Popular Categories
Previous article
Next article