ଲାଞ୍ଜିଗଡ଼: ଅନୁଗୁଳଠାରେ ଅନୁଷ୍ଠିତ ରାଜ୍ୟସ୍ତରୀୟ ଗଣଧାରଣା ଓ ବିକ୍ଷୋଭ ସମାବେଶରେ ଯୋଗ ଦେଇ ଫେରୁଥିବା ବେଳେ ଅଲ୍ ଓଡ଼ିଶା ସିଡ୍ୟୁଲ୍ଡ କାଷ୍ଟ ଫେଡେରେସନ କଳାହାଣ୍ଡିର ସଭାପତି ଶ୍ରୀବତ୍ସ ତାଣ୍ଡିଙ୍କ ଇନୋଭା ଗାଡ଼ି ଦୁର୍ଘଟଣାଗ୍ରସ୍ତ ହୋଇଛି।ଏଥିରେ ଇନୋଭା ଗାଡ଼ିଟି ଚୂରମାର ହୋଇ ଯାଇଥିବା ବେଳେ ଶ୍ରୀ ତାଣ୍ଡି ଓ ତାଙ୍କ ଡ୍ରାଇଭର ଅଳ୍ପକେ ବର୍ତ୍ତି ଯାଇଛନ୍ତି। ଗତକାଲି ଅନୁଗୁଳସ୍ଥିତ ଡ. ବି. ଆର୍ ଆମ୍ବେଦକର ଫାଉଣ୍ଡେସନର ଡାକରାରେ ରାଜ୍ୟ ବ୍ୟାପି ବହୁଜନ ସଂଗଠନଗୁଡ଼ିକ ଅନୁଗୁଳଠାରେ ସମ୍ମିଳିତ ହୋଇଥିବାବେଳେ ଏହାକୁ ସମର୍ଥନ କରି ଶ୍ରୀ ତାଣ୍ଡିଙ୍କ ନେତୃତ୍ୱରେ କଳାହାଣ୍ଡି ଜିଲ୍ଲାରୁ ଏକ ପ୍ରତିନିଧି ଦଳ ଅନୁଗୁଳ ଆନ୍ଦୋଳନରେ ସାମିଲ ହୋଇଥିଲେ। ସେଠାରୁ ଶ୍ରୀ ତାଣ୍ଡି ନିଜ ଇନୋଭା ଗାଡ଼ିରେ ନିଜ ଘର ଲାଞ୍ଜିଗଡ଼କୁ ଫେରୁଥିବା ବେଳେ ଆଜି ସକାଳୁ ୬ ନମ୍ବର ରାଜ୍ୟ ରାଜପଥ ଭବାନୀପାଟଣା-ଛତିକୁଡ଼଼ା ରାସ୍ତାର ଉଦେପୁର ନିକଟରେ ରାସ୍ତା ମଝିରେ ଗାଡ଼ି ସାମ୍ନାକୁ ଏକ ବୁଲା କୁକୁର ହଠାତ୍ ଚାଲି ଆସିବାରୁ କୁକୁରଟିକୁ ବଞ୍ଚାଇବାକୁ ଯାଇ ଗାଡ଼ିଟି ରାସ୍ତା କଡ଼ରେ ଥିବା ଗାଡ଼ୱାଲ୍ ତଳକୁ ଖସି ପଡ଼ିଥିଲା।
Popular Categories
Previous article
Next article