ହରଭଙ୍ଗା: ହରଭଙ୍ଗା ବ୍ଲକ ବଦଲା ଗ୍ରାମରେ ଶନିବାର ଅପରାହ୍ନରେ କାଳବୈଶାଖୀରେ ଗଛ ପଡ଼ି ଜୈନିକ ମହିଳା ଗୁରୁତର ଆହତ ହୋଇଥିବା ବେଳେ ତଳଗାଁରେ ବ୍ରଜପାତରେ ଦୁଇ ବଳଦଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ସୂଚନାନୁସାରେ ବଦଲାର ଲକ୍ଷ୍ମି ସାହୁ କାଳବୈଶାଖୀ ସମୟରେ କୌଣସି କାମରେ ଘର ବାରିପଟକୁ ଯାଇଥିବା ବେଳେ ତାଙ୍କ ଉପରେ ସଜନା ସାଗ ଗଛ ପଡିଯିବାରୁ ସେ ଗୁରୁତର ଆହତ ହୋଇଥିଲେ। ତାଙ୍କୁ ସଙ୍ଗେ ସଙ୍ଗେ ବାଣିଗୋଛା ସ୍ୱାସ୍ଥ୍ୟ କେନ୍ଦ୍ର ପରେ ଦଶପଲ୍ଲା ରେଫର କରାଯାଇଥିଲା। ସେଠାରେ ଅବାସ୍ଥ। ଗୁରୁତର ହେବାରୁ ନୟାଗଡ଼ ରେଫର କରାଯାଇଥିବା ଜଣାପଡ଼ିଛି। ଲକ୍ଷ୍ମୀଙ୍କ ଗୋଟେ ହାତ ଭାଙ୍ଗିଯାଇଥିବା ବେଳେ ସେ ଗୁରୁତର ଅଛନ୍ତି। ତଳଗାଁର ଜଣେ ଗରିବ ଚାଷୀ ଧନେଶ୍ୱର ଦେହୁରୀଙ୍କ ବଜ୍ରଘାତରେ ଦୁଇଗୋଟି ବଳଦ ମୃତ୍ୟୁବରଣ କରିଥିବା ଜଣାପଡ଼ିଛି। ସେ ଜଣେ ଗରିବ ଶ୍ରେଣୀର ହୋଇଥିବାରୁ ଧନେଶ୍ୱରଙ୍କୁ ସରକାରୀ ସହାୟତା ଯୋଗାଇଦେବାକୁ ସାଧାରଣରେ ଦାବି ହେଉଛି।
Comments are closed.