ରେଳ ଦୁର୍ଘଟଣାରେ ମୃତ ଯାତ୍ରୀଙ୍କ ସଦଗତି କାମନା କରି ଜିଲା କଂଗ୍ରେସ ପକ୍ଷରୁ ନିରବ ପ୍ରାର୍ଥନା

ବୌଦ୍ଧ: ବାଲେଶ୍ଵର ଜିଲ୍ଲା ବାହାନଗାରେ ଘଟିଥିବା ମର୍ମନ୍ତୁଦ ତଥା ଦେଶର ସବୁଠୁ ଭୟଙ୍କର ରେଳ ଦୁର୍ଘଟଣାରେ ମୃତ୍ୟୁ ବରଣ କରିଥିବା ରେଳଯାତ୍ରୀଙ୍କ ଆତ୍ମାର ସଦଗତି ତଥା ସଂପୃକ୍ତ ପରିବାର ବର୍ଗଙ୍କୁ ଏ ଦୁଃଖ ସହିବ।ର ଧର୍ୟ୍ୟ ଓ ସାହାସ ଦେବାପାଇଁ ବୌଦ୍ଧ ଜିଲ୍ଲା କଂଗ୍ରେସ କମିଟି ତରଫରୁ ଜିଲ୍ଲା କାର୍ୟ୍ୟାଳୟ ଠାରେ ଦୁଇ ମିନିଟ ନୀରବ ପ୍ରାର୍ଥନା କରାଯାଇଥିଲା। ପୁନଶ୍ଚ ଏ ମର୍ମନ୍ତୁଦ ଦୁର୍ଘଟଣାରେ ଆହତ ହୋଇଥିବା ସହସ୍ରାଧିକ ଯାତ୍ରୀଙ୍କ ଆଶୁ ଆରୋଗ୍ୟ କାମନା ଓ ଜୀବନ ରକ୍ଷା ପାଇଁ ପ୍ରାର୍ଥନା କରାଯାଇଥିଲା। ଏହି କାର୍ୟ୍ୟକ୍ରମରେ ଜିଲ୍ଲା କଂଗ୍ରେସ ସଭାପତି ନବ କୁମାର ମିଶ୍ର, ପିସିସି ସଭ୍ୟ ଗଣେଶ ପ୍ରସାଦ ଅଗ୍ରୱାଲ, ମୁଖ୍ୟ ମୁଖପାତ୍ର ଶାନ୍ତନୁ କୁମାର ମହାପାତ୍ର, ତାରିଣୀ ଜେନା, ପ୍ରତାପ ପଣ୍ଡା, ଜୟନ୍ତ ପାଣିଗ୍ରାହୀ, ନୀତେଶ ମେହେର, ବେଣୁଧର ମେହେର, ରୋହିତାଶ୍ଵ ବେହେରା ଓ ଉପ ସଭାପତି ସମରେଶ ମିଶ୍ର ପ୍ରମୁଖ ଏହି କାର୍ୟ୍ୟକ୍ରମରେ ଉପସ୍ଥିତ ରହିଥିଲେ।

Comments are closed.