ଫୁଲବାଣୀ: କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଡିଣ୍ଡିରା ଗାଁ ପଞ୍ଚାୟତ କୁଡୁକି ଘାଟି ରାସ୍ତାରୁ ଫିରିଙ୍ଗିଆ ପୁଲିସ ୬୫ କେଜି ୬୦୦ ଗ୍ରାମ ଗଞ୍ଜେଇ ଜବତ କରିଥିବା ବେଳେ ଚାଲାଣ ପାଇଁ ପ୍ରସ୍ତୁତ ହେଉଥିବା ୪ ଜଣକୁ ଗିରଫ କରି କୋର୍ଟ ଚାଲାଣ କରିଥିବା ସୂଚନା ମିଳିଛି। ସୂଚନା ଅନୁସାରେ ଫିରିଙ୍ଗିଆ ପୁଲିସକୁ ଗଞ୍ଜେଇ ଚାଲାଣ ପାଇଁ ପ୍ରସ୍ତୁତି ଚାଲିଥିବା ସୂଚନା ମିଳିଥିଲା। ଫିରିଙ୍ଗିଆ ଥାନା ଅଧିକାରୀ ତପନ କୁମାର ନାହାକଙ୍କ ନିର୍ଦ୍ଦେଶରେ ଗୋଟିଏ ଟିମ କୁଡୁକି ଘାଟି ରାସ୍ତାରେ ଚଢ଼ାଉ କରି ୪ ଜଣକୁ ଅଟକ ରଖିବା ସହ ଚାଲାଣ ପାଇଁ ପ୍ରସ୍ତୁତ ଥିବା ଗଞ୍ଜେଇକୁ ଜବତ କରିବାରେ ସଫଳ ହୋଇଥିଲା। ଅନ୍ୟ ପଟେ ଏହି ଗଞ୍ଜେଇ ଚାଲାଣରେ ବାହାର ରାଜ୍ୟକୁ ଗଞ୍ଜେଇ ଚାଲାଣ ପାଇଁ ପ୍ରସ୍ତୁତ ଥିବା ହରିଆଣା ରାଜ୍ୟ ଭିୱାନି ଜିଲ୍ଲାର ୨ ଜଣ ବାହାର ରାଜ୍ୟ ମାଫିଆ ସୋନୁ ଏବଂ ମନୁ ଏବଂ ଗଞ୍ଜେଇ ଆଣି ସେମାନଙ୍କୁ ଦେଇଥିବା ଡିଣ୍ଡିରା ଗାଁର ନିବେଦନ ଦିଗାଲ ଓ ଫିରିଙ୍ଗିଆ ବନ୍ଧ ସାହିର ଚେରୁ ଦିଗାଲକୁ ଅଟକ ରଖି ଗିରଫ କରିବା ସହ ଫିରିଙ୍ଗିଆ ଥାନାରେ ଗଞ୍ଜେଇ ଚାଲାଣ ସମ୍ପର୍କିତ ଏକ ମାମଲା ରୁଜୁ କରି କୋର୍ଟ ଚାଲାଣ କରିଥିବା ବେଳେ ଅଧିକ ତଦନ୍ତ ଚାଲୁ ରହିଥିବା ଫିରିଙ୍ଗିଆ ଥାନା ଅଧିକାରୀ ତପନ କୁମାର ନାହାକ ସୂଚନା ଦେଇଛନ୍ତି।
Popular Categories
Previous article
Next article