ପାଟଣା: କେନ୍ଦୁଝର ବନଖଣ୍ଡ ପାଟଣା ବନାଞ୍ଚଳ ସାହାରପଡା ବନକ୍ଷେତ୍ର ଅଧିନସ୍ଥ ମାଛଗଡ଼ ବିରଳ ସାହିର ମକରଧ୍ବଜ ମହାନ୍ତଙ୍କ ବାଡିରୁ ଏକ ଅଣ୍ଡିରା କୁଟୁରାର ମୃତଦେହ ଉଦ୍ଧାର କରିଛି ବନବିଭାଗ। ତେବେ କୁଟୁରା ଖାଦ୍ୟ ଅନ୍ୱେଷଣରେ ଚାଲି ଆସିଥିବା ବେଳେ ପନିପରିବା ବଗିଚାର ତାର ବାଡ଼ରେ ଛନ୍ଦି ହୋଇ ଯାଇଥିଲା। ଫଳରେ ଦୀର୍ଘ ସମୟ ଛଟପଟ ହୋଇ ତାହାର ପ୍ରାଣବାୟୁ ଚାଲିଯାଇଛି। ପରେ ଗ୍ରାମର କିଛି ଲୋକ ଦେଖି ସାହାରପଡା ବନକ୍ଷେତ୍ରକୁ ଖବର ଦେଇଥିଲେ ଖବର ପାଇ ଘଟଣାସ୍ଥଳରେ ବନ କର୍ମଚାରୀ ପହଞ୍ଚି କୁଟୁରାଟିକୁ ଉଦ୍ଧାର କରିଥିଲେ ହେଁ ସେତେ ବେଳକୁ କୁଟୁରାଟି ମୃତ୍ୟୁ ବରଣ କରି ସାରିଥିଲା। ତାକୁ ଉଦ୍ଧାର କରି ପ୍ରାଣୀ ଚିକିତ୍ସକଙ୍କ ଦ୍ୱାରା ବ୍ୟବଚ୍ଛେଦ କରାଇବା ପରେ ସାହାରପଡା ବନକ୍ଷେତ୍ର ପରିସରରେ ପୋତି ଦିଆଯିବ ବୋଲି ବନପାଳ ଭୂପତି କୁମାର ସେଠି କହିଛନ୍ତି।
Popular Categories
Previous article
Next article