କାର୍ଯ୍ୟରେ ଯୋଗଦେଲେ ନ୍ୟୁ ଇଣ୍ଡିଆ ଆସ୍ୟୁରାନ୍ସର ନୂତନ ଉପ-ମହାପ୍ରବନ୍ଧକ

ଭୁବନେଶ୍ୱର: ସଦାନନ୍ଦ ମହାନ୍ତି, ଅଗ୍ରଣୀ ରାଷ୍ଟ୍ରାୟତ୍ତ ଇନ୍‌ସୁରାନ୍ସ ନ୍ୟୁ ଇଣ୍ଡିଆ ଆସ୍ୟୁରାନ୍ସ ଭୁବନେଶ୍ୱର କ୍ଷେତ୍ରୀୟ କାର୍ଯ୍ୟାଳୟର ଉପ-ମହାପ୍ରବନ୍ଧକ ଭାବେ  ଯୋଗ ଦେଇଛନ୍ତି । ସେ ଏହା ପୂର୍ବରୁ ମୁମ୍ବାଇସ୍ଥିତ ମୁଖ୍ୟ କାର୍ଯ୍ୟାଳୟରେ ଉପ-ମହାପ୍ରବନ୍ଧକ ଭାବେ କାର୍ଯ୍ୟ କରୁଥିଲେ । ଶ୍ରୀ ମହାନ୍ତି ପୁନେସ୍ଥିତ ସାଙ୍ଗଲିଠାରେ  ୧୯୯୧ ମସିହାରେ ନ୍ୟୁ ଇଣ୍ଡିଆର ପ୍ରଶାସନିକ ଅଧିକାରୀ ଭାବେ ଯୋଗ ଦେଇଥିଲେ ।

ପଶ୍ଚିମ ଓଡିଶାର ପୁରପଲ୍ଲୀ ବଲାଙ୍ଗୀରରୁ ଆସିଥିବା ଶ୍ରୀ ମହାନ୍ତି ପରବର୍ତ୍ତୀ ସମୟରେ ଜଣେ ଦକ୍ଷ ପ୍ରଶାସକ ଭାବେ ଭୁବନେଶ୍ୱର, ବଲାଙ୍ଗୀର, ଚୌଦ୍ୱାର ଏବଂ  ମୁଖ୍ୟ କାର୍ଯ୍ୟାଳୟରେ ବିଭିନ୍ନ ପଦପଦବୀରେ ଯୋଗ ଦେଇ ସଫଳତାର ସହିତ କାର୍ଯ୍ୟ ସମ୍ପନ୍ନ କରିଛନ୍ତି । ଶ୍ରୀ ମହାନ୍ତି ଭୁବନେଶ୍ୱର କ୍ଷେତ୍ରକୁ ବ୍ୟବସାୟିକ  ଦୃଷ୍ଟିକୋଣରୁ ଏକ ଅଗ୍ରଣୀ କ୍ଷେତ୍ର ରୂପେ ଗଢି ତୋଳିବା ସହ ସ୍ୱାସ୍ଥ୍ୟବୀମାକୁ ଗ୍ରାମାଞ୍ଚଳର ଲୋକମାନଙ୍କ ପାଖରେ ପହଞ୍ଚାଇବା ଉପରେ ଗୁରୁତ୍ୱ ଦେବେ ବୋଲି ପ୍ରକାଶ କରିଛନ୍ତି ।