ନୂଆଦିଲ୍ଲୀ: ମହାନଦୀ ଜଳବିବାଦ ମାମଲାରେ ଟ୍ରାଇବୁନାଲରେ ଓଡ଼ିଶା ସରକାରଙ୍କ ତରଫରୁ ଦୁଇଟି ସାକ୍ଷୀ ସତ୍ୟପାଠ ଦାଖଲ ହୋଇଛି। ମହାନଦୀ ଅବବାହିକାରେ ଜଳ ଉପଲବ୍ଧତା ବିଷୟରେ ବିଶେଷଜ୍ଞ ଏମ.ଇ ହକ୍ ଏବଂ ମହାନଦୀ ଅବବାହିକାରେ ସାମାଜିକ-ଅର୍ଥନୈତିକ ବିକାଶ ବିଷୟରେ ବିଶେଷଜ୍ଞ ମନୋଜ ପଣ୍ଡା ସାକ୍ଷୀ ସତ୍ୟପାଠ ଦାଖଲ କରିଛନ୍ତି। ଶନିବାର ଶୁଣାଣି ପୂର୍ବରୁ ଅକ୍ଟୋବର ୨୮ରେ ଓଡ଼ିଶା ଓ ଛତିଶଗଡ଼ ବିଶେଷଜ୍ଞ ଦଳ ମଧ୍ୟରେ ଅନୁଷ୍ଠିତ ବୈଠକ ବିଷୟରେ ଟ୍ରାଇବୁନାଲଙ୍କୁ ଅବଗତ କରାଯାଇଛି। ମହାନଦୀ ଅବବାହିକାରେ ଉପ-ଅବବାହିକା ଏବଂ ତ୍ରିକୋଣଭୂମି ଅଞ୍ଚଳର ଚୂଡ଼ାନ୍ତ ନକ୍ସା ପ୍ରସ୍ତୁତି ଲାଗି ଟ୍ରାଇବୁନାଲଙ୍କ ଆସେସର ସଞ୍ଜୀବ ଅଗ୍ରୱାଲ ଏବଂ ଡ଼ ବିଜୟ କୁମାର ଦ୍ୱିବେଦୀଙ୍କ ଉପସ୍ଥିତିରେ ଓଡ଼ିଶା ଓ ଛତିଶଗଡ଼ ବିଶେଷଜ୍ଞ ଦଳ ମଧ୍ୟରେ ସହମତି ହୋଇଥିଲା। ଏହି ବିଷୟରେ ଆବଶ୍ୟକ ପଡ଼ିଲେ ପୁଣି ଥରେ ବିଶେଷଜ୍ଞ ଦଳ ମଧ୍ୟରେ ବୈଠକ ବସିବା ଲାଗି ସମସ୍ତ ପକ୍ଷ ରାଜି ହୋଇଥିଲେ। ମହାନଦୀ ଅବବାହିକାରେ ଅବସ୍ଥିତ ସମସ୍ତ ଅଟୋମେଟିକ ରେନ ଗଜ ଷ୍ଟେସନ ମ୍ୟାପକୁ ସମସ୍ତ ପକ୍ଷଙ୍କୁ ସେପ୍ଟେମ୍ବର ୧୪ରେ ଦିଆଯାଇଥିଲା। ତେବେ ଏହି ବିଷୟରେ ପକ୍ଷଭୁକ୍ତ ରାଜ୍ୟଙ୍କଠୁ ଉତ୍ତର ମିଳିପାରିନାହିଁ।
Popular Categories
Previous article
Next article