ନୂଆଦିଲ୍ଲୀ : ବଜାରକୁ ଆସିଲା ସବୁଠାରୁ ଶସ୍ତା ୩୨ଇଞ୍ଚର ଆଣ୍ଡ୍ରଏଡ ସ୍ମାର୍ଟ ଟିଭି। ଯାହାର ମୂଲ୍ୟ ମାତ୍ର ୫ହଜାର ଟଙ୍କା ରଖାଯାଇଛି। ସବୁଠାରୁ ଖାସ କଥା ହେଉଛି ମହଙ୍ଗା ଟିଭିରେ ଯେଉଁସବୁ ବିାଶେଷତ୍ୱ ରହିଥାଏ ଏହି ଟିଭିରେ ମଧ୍ୟ ସେହି ସବୁ ବିଶେଷତ୍ୱ ରହିଛି। ଏହାସହିତ ଏହି ଟିଭିରେ ସ୍କ୍ରିନ ମିରିର ଏବଂ ଇନବିଲ୍ଟ ଫିଚର ରହିଛି।
ଖବର ଅନୁସାରେ, ସ୍ୟାମି ଇନଫରମେଟିକ୍ସ ବିଶ୍ୱର ସବୁଠାରୁ ଶସ୍ତା ସ୍ମାର୍ଟ ଏଲଇଡି ଟିଭି ଲଞ୍ଚ କରିଛି। ଏହି ଟିଭିରେ କମ୍ପାନୀ ତରଫରୁ ଆଣ୍ଡ୍ରଏଡ ସିଷ୍ଟମ ଦିଆଯାଇଛି। ଯାହା ସାଧାରଣତଃ ସ୍ମାର୍ଟ ଟିଭିରେ ରହିଥାଏ। ଏହି ଟିଭି ସହିତ ଆପଣ ୩ବର୍ଷର ୱାରେଣ୍ଟି ମଧ୍ୟ ପାଇପାରିବେ। ଟିଭିରେ କମ୍ପାନୀ ତରଫରୁ ୧୦ୱାଟର ସ୍ପିକର ସହିତ ସାମସଙ୍ଗ ଏବଂ ଏଲଜିର ପ୍ୟାନେଲ ମଧ୍ୟ ଦିଆଯାଇଛି। ଏହାସହିତ ୪.୪ ଆଣ୍ଡ୍ରଏଡ ଅପରେଟିଙ୍ଗ ସିଷ୍ଟମ ମଧ୍ୟ ରହିଛି। ଟିଭିରେ ଫେସବୁକ, ୟୁଟବ ଭଳି ଆପ ପୂର୍ବରୁ ଇନଷ୍ଟଲ କରାଯାଇଛି। ଏହା ସହିତ ଅନ୍ୟ ଆପକୁ ଇନଷ୍ଟଲ କରିବାକୁ ବିକଳ୍ପ ମଧ୍ୟ ଦିଆଯାଇଛି। ଟିଭିରେ ୪ଜିବି ରାମ ଏବଂ ୫୧୨ଏମବିର ଷ୍ଟୋରେଜ ଦିଆଯାଇଛି।
ସ୍ୟାମି ଇନଫରମେଟିକ୍ସର ନିର୍ଦେଶକ ଅଭିନାସ ମେହତା କହିିଛନ୍ତି – ଏହି ଟିଭିରେ ୱାଇଫାଇ ହଟସ୍ପଟ ସହିତ ସାଉଣ୍ଡ ବ୍ଲାଷ୍ଟର ଫିଚର ମଧ୍ୟ ଦିଆଯାଇଛି। ଦୁଇଟି ଏଚଡିଏମଆଇ ପୋର୍ଟ ଏବଂ ଦୁଇଟି ୟୁଏସବି ପୋର୍ଟ ମଧ୍ୟ ଦିଆଯାଇଛି। ଏହି ଟିଭିରେ ଗେମ ମଧ୍ୟ ଖେଳିପାରିବେ। ଗୁଗୁଲ ପ୍ଲେ-ଷ୍ଟୋରକୁ ଯାଇ ସେଥିରେ ଥିବା ସ୍ୟାମି ଆପରୁ ଏହି ଟିଭିକୁ କିଣିପାରିବେ ବୋଲି ସ୍ୟାମି ଇନଫରମେଟିକ୍ସର ନିର୍ଦେଶକ ଅଭିନାସ ମେହତା କହିିଛନ୍ତ।
