ପାଟଣା : ପାଟଣା ବ୍ଲକର ବହୁଚର୍ଚ୍ଚିତ କଣ୍ଟିଆପଡା ପଞ୍ଚାୟତର ସମିତି ସଭ୍ୟା ଭାବେ ସଞ୍ଜୁଲତା ମହାନ୍ତ ନିର୍ବାଚିତ ହୋଇଛନ୍ତି।l ଏଠାରେ ୪ ଜଣ ମହିଳା ମଇଦାନରେ ଥିଲେ। ସଞ୍ଜୁଲତାଙ୍କୁ ମୋଟ ୯୫୮ ଖଣ୍ଡ ଭୋଟ ମିଳିଥିବା ବେଳେ ତାଙ୍କର ନିକଟତମ ପ୍ରତିଦ୍ୱନ୍ଦୀ ରଙ୍ଗଲତା ମହାନ୍ତ ଙ୍କୁ ୮୬୬ଖଣ୍ଡ ଭୋଟ ମିଳିଛି। ୨୧ ନମ୍ବର ଜିଲ୍ଲା ପରିଷଦ ସଦସ୍ୟା ଥିବା ସୁରୁମାଲ ବେହେରା ଏଠାରେ ଅନ୍ୟତମ ପ୍ରତିଦ୍ୱନ୍ଦୀ ଥିଲେ।
ସୂଚନା ଯୋଗ୍ୟ ଯେ କଣ୍ଟିଆପଡା ପଂଚାୟତର ସମିତି ସଭ୍ୟ ଭାବେ ଗତଥର ଜଗନ୍ନାଥ ନାଏକ ନିର୍ବାଚିତ ହୋଇ ବ୍ଲକ ଅଧ୍ୟକ୍ଷ ହେବା ସହ ପରେ ସାଧାରଣ ନିର୍ବାଚନରେ ଶାସକ ବିଜୁ ଜନତା ଦଳର ପ୍ରାର୍ଥୀ ଭାବେ ବିଧାନସଭାକୁ ଯାଇଥିଲେ। ଏଠାରେ ଚଳିତ ପଞ୍ଚାୟତ ନିର୍ବାଚନରେ ଗଣ୍ଡଗୋଳ କାରଣରୁ ପଞ୍ଚାୟତ ଅଞ୍ଚଳ ଅଶାନ୍ତ ହୋଇପଡ଼ିଥିଲା। ନବ ନିର୍ବାଚିତ ସମିତି ସଭ୍ୟା ସଞ୍ଜୁଲତା ଓଡିଶା କୁଡୁମି ସେନା ରାଜ୍ୟ ଉପସଭାପତି ମିତ୍ରଭାନୁ ମହାନ୍ତଙ୍କ ଧର୍ମପତ୍ନୀ ବୋଲି ସୁଚନା ମିଳିଛି।
Comments are closed.