ପାଟନା : ନିଟ୍ ୟୁଜି ଦୁର୍ନୀତି ମାମଲାରେ ଏକ ବଡ ଖବର ଗୁରୁବାର ସାମ୍ନାକୁ ଆସିଛି । ଏହି ମାମଲାରେ ସିବିଆଇ ବୁଧବାର ପାଟନା ଏମ୍ସର ୩ ଜଣ ଡାକ୍ତରଙ୍କୁ ଗିରଫ କରି ପଚରାଉଚରା କରୁଛି । ୩ ଜଣ ଡାକ୍ତରଙ୍କର ଲାପଟପ୍ ଓ ମୋବାଇଲ୍ କୁ ମଧ୍ୟ ଜବତ କରାଯାଇଛି । ଏମାନେ ନିଟ୍ ଦୁର୍ନୀତି ମାମଲାରେ ଜଡିତ ରହିଥିବା ଅଭିଯୋଗ ରହିଛି । ଉକ୍ତ ୩ ଡାକ୍ତର ୨୦୨୧ ବ୍ୟାଚ୍ ର ଛାତ୍ର । ସିବିଆଇ ୨ ଦିନ ପୂର୍ବରୁ ନିଟ୍ ପେପର୍ ଲିକ୍ ମାମଲାରେ ପଙ୍କଜ କୁମାରଙ୍କୁ ପାଟନାରୁ ଗିରଫ କରିଥିଲା। ତାଙ୍କ ବନ୍ଧୁ ରାଜୁ ହଜାରୀବାଗରୁ ଧରା ପଡିଥିଲେ।
ସୂତ୍ରରୁ ଜଣାପଡିଛି ପଙ୍କଜ ଓ ରାଜୁଙ୍କୁ ପଚରାଉଚରା କରିବାରୁ ସିବିଆଇ ହାତକୁ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ଆସିଛି । ଏହାପରେ ପାଟନା ଏମ୍ସର ୩ ଜଣ ଡାକ୍ତରଙ୍କୁ ଗିରଫ କରାଯାଇ ପଚରାଉଚରା କରାଯାଉଛି । ଏମାନଙ୍କ କକ୍ଷ ମଧ୍ୟ ସିଲ୍ କରାଯାଇଛି । ଆଜି ଏହି ମାମଲାରେ ସର୍ବୋଚ୍ଚ ନ୍ୟାୟାଳୟରେ ଶୁଣାଣି ହେବ ।
ନିଟ୍ ୟୁଜି ମାମଲାରେ ପ୍ରଶ୍ନପତ୍ର ଲିକ୍ ସହ ପରୀକ୍ଷାରେ ଅନିୟମିତତା ଅଭିଯୋଗ କରି ଛାତ୍ରଛାତ୍ରୀ ଆନ୍ଦୋଳନକୁ ଓହ୍ଲାଇଥିଲେ । ମାମଲା ସୁପ୍ରିମକୋର୍ଟରେ ପହଞ୍ଚିଥିଲା ।
ଶ୍ରାବଣ ମାସ : ବାସ୍ ଏହି ସରଳ ଉପାୟ ଦୂର କରିବ ବିବାହ ଠାରୁ ଚାକିରି, ସ୍ୱାସ୍ଥ୍ୟ ସମସ୍ୟା..
Comments are closed.