ମୁମ୍ବଇ : ଅଭିନେତା ନୱାଜୁଦ୍ଦିନ ସିଦ୍ଦିକିଙ୍କ ବହୁ ପ୍ରତିକ୍ଷିତ ଚଳଚିତ୍ର ’ମଣ୍ଟୋ’ର ଟିଜର ରିଲିଜ୍ ହୋଇଛି। ଏହା ସାମାଜିକ ଗଣ ମାଧ୍ୟମରେ ବେଶ ଲୋକପ୍ରିୟତା ହାସଲ କରିଛି । ଏହା ପ୍ରସିଦ୍ଧ ଲେଖକ ସଆଦତ ହସନ ’ମଣ୍ଟୋ’ଙ୍କ ବାୟୋପିକ ଉପରେ ଆଧାରିତ ।
ନନ୍ଦିତା ଦାସଙ୍କ ନିର୍ଦେଶନା ରେ ନିର୍ମିତ ହୋଇଥିବା ଏହି ଚଳଚିତ୍ର ରେ ଅଭିନେତା ନୱାଜୁଦ୍ଦିନଙ୍କ ବ୍ୟତିତ ପରେଶ ରାୱଲ, ଋଷି କାପୁର, ଋଷିକା ଦିଗଲ୍, ତାହିର ରାଜ ଭସିନ ଗୁରୁତ୍ୱପୂର୍ଣ୍ଣ ଭୁମିକାରେ ଅବତିର୍ଣ୍ଣ ହୋଇଛନ୍ତି । ଚଳଚିତ୍ରର ଟିଜରଟିକୁ ନିଜର ଫେସବୁକ ଆକାଉଣ୍ଟରେ ସେୟାର କରିଛନ୍ତି ନୱାଜୁଦ୍ଦିନ। ଏହି ଟିଜରରେ ନୱାଜୁଦ୍ଦିନ ନିଜର ବିଦ୍ରୋହୀ ଚିନ୍ତାଧାରାକୁ ପ୍ରାଧାନ୍ୟ ଦେବାବେଳେ ତାଙ୍କ ପରିବାର କିପରି ତାଙ୍କ ସପକ୍ଷରେ ନାହାନ୍ତି ତାହା ଦର୍ଶାଯାଇଛି । ଏହି ଟିଜରକୁ ବର୍ତ୍ତମାନ ୟୁଟ୍ୟୁବରେ ୧୦ଲକ୍ଷ ରୁ ଅଧିକ ଲୋକ ଦେଖି ସାରିଲେଣି ।
