ନୂଆଦିଲ୍ଲୀ : ୨୬/୧୧ ମୁମ୍ବଇ ଆତଙ୍କବାଦୀ ଆକ୍ରମଣରେ ପାକିସ୍ତାନର ହାତ ଥିଲ ବୋଲି ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫ ସ୍ୱୀକାର କରିଛନ୍ତି। ପାକିସ୍ତାନର ପ୍ରସିଦ୍ଧ ଗଣମାଧ୍ୟମ ଡନ୍କୁ ସାକ୍ଷାତକାର ଦେବା ସୟମରେ ନୱାଜ ସରିଫ କହିଛନ୍ତି ଯେ ବେସରକାରୀ ବ୍ୟକ୍ତିଙ୍କ ଦ୍ୱାରା ପାକିସ୍ତାନରେ ଆତଙ୍କବାଦୀ ସଂଗଠନଗୁଡ଼ିକ ବୃଦ୍ଧି ପାଇବାରେ ଲାଗିଛନ୍ତି ଓ ଧନଶୀଳ ହେଉଛନ୍ତି। ସରକାରରେ ନଥିବା ଏହି ବ୍ୟକ୍ତିମାନେ ୨୦୦୮ ନଭେମ୍ବର ୨୬ ମୁମ୍ବଇ ଆକ୍ରମଣ ଘଟାଇଥିଲେ ଓ ଏହି ଆକ୍ରମଣ ପଛରେ ସେମାନଙ୍କ ହାତ ଥିଲା। ମୁମ୍ବଇ ଆକ୍ରମଣର ମାଷ୍ଟରମାଇଣ୍ଡ ହାଫିଜ୍ ସୟିଦ ଏବଂ ମାସୁଦ୍ ଆଝାରଙ୍କ ନାମ ନନେଇ ଜମାତ- ଉଦ୍- ଦାବା ଏବଂ ଜୈଶ ଇ ମୋହମ୍ମଦ ଭଳି ଆତଙ୍କବାଦୀ ସଂଗଠନଗୁଡ଼ିକ ଦେଶରେ ଅବାଧରେ ଚାଲିଛନ୍ତି ବୋଲି ନୱାଜ କହିଛନ୍ତି। ଏହାସହ ଆତଙ୍କବାଦୀ ସଂଗଠନଗୁଡ଼ିକୁ ସେ ବେସରକାରୀ ବ୍ୟକ୍ତି ବା ଅଣରାଜ୍ୟ ଅଭିନେତା ବୋଲି ଅଭିହିତ କରି ସେମାନଙ୍କୁ ସୀମା ପାର କରି ମୁମ୍ବଇରେ ୧୫୦ ଲୋକଙ୍କୁ ହତ୍ୟା କରିବାକୁ ଅନୁମତି ଦିଆଯିବା ଉଚିତ୍ କି ବୋଲି ସେ ପ୍ରଶ୍ନ କରିଥିଲେ। ପିଏମ୍ଏଲ୍ଏନ୍ ନେତା ନୱାଜ ରାୱଲପିଣ୍ଡି ଆତଙ୍କବାଦୀ ନିରୋଧୀ ଅଦାଲତରେ ମୁମ୍ବଇ ଆକ୍ରମଣର ଶୁଣାଣି କାହିଁକି ବନ୍ଦ କରିଦିଆଗଲା ବୋଲି ପ୍ରଶ୍ନ କରିଥିଲେ। କାହିଁକି ଶୁଣାଣି ପୂର୍ଣ୍ଣ ହେଲା ନାହିଁ ବୋଲି ପ୍ରଶ୍ନ କରିବା ସହ ଏହା ଗ୍ରହଣ ଯୋଗ୍ୟ ନୁହେଁ ବୋଲି ନୱାଜ କହିଥିଲେ। ରୁଷ ରାଷ୍ଟ୍ରପତି ପୁତିନ୍ ଏବଂ ଚୀନ ରାଷ୍ଟ୍ରପତି ଜିନ୍ପିଙ୍ଗ ମଧ୍ୟ ଏହା ଉପରେ ପ୍ରଶ୍ନ କରିଥିବା ସେ ସୂଚନା ଦେଇଥିଲେ। ଉଲ୍ଲେଖ ଯେ ପାନାମା ପେପର ପ୍ରଘଟ ମାମଲାରେ ୬୮ ବର୍ଷିୟ ସରିଫଙ୍କୁ ପାକିସ୍ତାନ ସୁପ୍ରିମକୋର୍ଟ ସରକାରୀ ପଦରେ ରହିବାକୁ ଅଯୋଗ୍ୟ ଘୋଷିତ କରିଛନ୍ତି।
Popular Categories
Previous article
Next article