ପ୍ରାକୃତିକ ସମ୍ପଦର ସଂରକ୍ଷଣ ଓ ପରିଚାଳନା ଗୁରୁତ୍ୱପୂର୍ଣ୍ଣ: କୁଳପତି

ଭୁବନେଶ୍ୱର: ଉତ୍କଳ ବିଶ୍ୱବିଦ୍ୟାଳୟର ଭୂଗୋଳ ବିଭାଗ ପକ୍ଷରୁ ପ୍ରାକୃତିକ ଉତ୍ସ ପରିଚାଳନା ପାଇଁ ଭୂତତ୍ତ୍ୱ ତଥ୍ୟ ବିଶ୍ଳେଷଣ ଶୀର୍ଷକ ଦୁଇ ଦିନିଆ ଜାତୀୟ କର୍ମଶାଳା ଉଦଘାଟିତ ହୋଇଯାଇଛି। ପ୍ରାକୃତିକ ସମ୍ପଦର ସଂରକ୍ଷଣ ଓ ପରିଚାଳନା ଗୁରୁତ୍ୱପୂର୍ଣ୍ଣ। ପୃଥିବୀ, ଜଳ, ଜଙ୍ଗଲ ଏବଂ ଖଣିଜ ପଦାର୍ଥ ଯାହା ବିଶ୍ୱର ଅନେକ କାରଣରୁ ବିପଦରେ ପଡିଛି । କିନ୍ତୁ ତାହାକୁ ନିୟନ୍ତ୍ରଣ କରିବା ପାଇଁ , ନୂତନ ପ୍ରଯୁକ୍ତି ବିଦ୍ୟାର ସାହାଯ୍ୟ ନିଆଯବା ଦରକାର ବୋଲି କୁଳପତି ପ୍ରଫେସର ସବିତା ଆଚାର୍ଯ୍ୟ ପ୍ରକାଶ କରିଛନ୍ତି।
ଉଦଘାଟନ ଉତ୍ସବରେ ମୁଖ୍ୟଅତିଥି ଭାବେ ଯୋଗଦେଇ କୁଳପତି ପ୍ରଫେସର ସବିଚା ଆଚାର୍ଯ୍ୟ କହିଥିଲେ ଯେ ଭୌଗୋଳିକ ତଥ୍ୟ ବିଶ୍ଳେଷଣ ଓ ସ୍ଥିତି ବିଶ୍ଳେଷଣରେ ସମାଧାନର ନୂତନ ଦିଗ ଯୋଡିପାରେ। ଏହା ପ୍ରାକୃତିକ ସମ୍ପଦର ଯୋଜନା ଏବଂ ସ୍ଥାୟୀ ପରିଚାଳନା ମଧ୍ୟ କରିପାରିବ ବୋଲି କୁଳପତି ସବିତା ଆଚାର୍ଯ୍ୟ ପ୍ରକାଶ କରିଥିଲେ।

ପ୍ରଫେସର ଗୋପାଳ କୃଷ୍ଣ ପଣ୍ଡା ମୁଖ୍ୟବକ୍ତା ଭାବେ ଯୋଗଦେଇ ଜିଓ-ଆନାଲିଟିକ୍ସ, ଜିଓ-ଡିଜାଇନ୍, ଜିଓ-ଭିଜୁଆଲାଇଜେସନ୍ ଜିଓ-ସ୍ପେସାଲ୍ ଟେକ୍ନୋଲୋଜିର ବିଭିନ୍ନ ଦିଗ ଉପରେ କହିଥିଲେ। କ୍ଲାଉଡ୍ କମ୍ପ୍ୟୁଟିଂ, ଡିଏମ୍, ୱେବ୍ ଜିଏସ୍ ଏବଂ ପ୍ରାକୃତିକ ଉତ୍ସ ପରିଚାଳନାରେ ପ୍ରୟୋଗ ପାଇଁ ପ୍ରୋଗ୍ରାମିଂ ଭାଷା ଶିଖିବା ଉପରେ ପ୍ରଫେସର ପଣ୍ଡା ବକ୍ତବ୍ୟ ରଖିଥିଲେ।

ସିଡିସି ନିର୍ଦ୍ଦେଶକ ପ୍ରଫେସର ନିଗମାନନ୍ଦ ଦାସ ସୂଚନା ପ୍ରଯୁକ୍ତିବିଦ୍ୟା କ୍ଷେତ୍ରରେ ବର୍ତ୍ତମାନର ଧାରା ସହିତ ସୂକ୍ଷ୍ମ ଉତ୍ସଗୁଡ଼ିକୁ ଚତୁରତାର ସହ ପରିଚାଳନା କରିବାର ଆବଶ୍ୟକତା ରହିଛିବୋଲି ପ୍ରକାଶ କରିଥିଲେ। ପ୍ରାକୃତିକ ସମ୍ପଦ ପରିଚାଳକମାନେ ବର୍ତ୍ତମାନ ଏକ ପ୍ଲାଟଫର୍ମ ପ୍ରଦାନ କରୁଥିବା ପ୍ରାକୃତିକ ସମ୍ପଦର ପରିଚାଳନାରେ ଭୌଗୋଳିକ ପ୍ରଯୁକ୍ତିର ବ୍ୟବହାର ଉପରେ ଅଧିକ ଗୁରୁତ୍ୱ ଦେଇଛନ୍ତି, ଯାହା ମାଧ୍ୟମରେ ପରିଚାଳକମାନେ ସୂଚନା ସୃଷ୍ଟି କରିପାରିବେ ଯାହା ସ୍ଥାୟୀ ବିକାଶ ପାଇଁ ସଠିକ୍ ନିଷ୍ପତ୍ତି ନେବାରେ ବ୍ୟବହୃତ ହୋଇପାରିବ ବୋଲି କହିଥିଲେ |

ପ୍ରଫେସର କବୀର ମୋହନ ସେଠୀ ଅତିଥି ପରିଚୟ ପ୍ରଦାନ କରିଥିବାବେଳେ ଆବାହକ କୃଷ୍ଣ ଚନ୍ଦ୍ର ରଥ ସ୍ବାଗତ ଭାଷଣ ଦେଇଥିଲେ। ଡ.ଆଶିଷ ଚନ୍ଦ୍ର ପାଠୀ କାର୍ଯ୍ୟକ୍ରମ ସଂଯୋଜନା କରିଥିବାବେଳେ ରୁମାନା ଖାତୁନ୍ ଧନ୍ୟବାଦ ଅର୍ପଣ କରିଥିଲେ।