ଜାତୀୟ କ୍ରୀଡ଼ା – ୫୦ ଛୁଇଁଲା ଓଡ଼ିଶା ପଦକ

କଟକ: ଗୋଆରେ ଚାଲିଥିବା ୩୭ତମ ଜାତୀୟ କ୍ରୀଡ଼ାରେ ଓଡ଼ିଶାର ପଦକ ସଂଖ୍ୟା ୫୦ ଛୁଇଁଛି। ବୁଧବାର ଓଡ଼ିଶାକୁ ଗୋଟିଏ ସ୍ବର୍ଣ୍ଣ, ୨ଟି ରୌପ୍ୟ ଓ ୨ଟି କାଂସ୍ୟ ସହ ୫ଟି ପଦକ ମିଳିଛି। ସାଇକଲ ଚାଳନା ମହିଳା ରୋଡରେଶରେ ସ୍ବସ୍ତି ସିଂହ ସ୍ବର୍ଣ୍ଣ ପଦକ ଜିତିଛନ୍ତି। ସ୍ବସ୍ତି ୭୫ କିମି ମାସ୍‌ ଷ୍ଟାଟ୍‌ ସାଇକଲ ଚାଳନା ବିଭାଗରେ ପ୍ରଥମ ସ୍ଥାନ ସହ ସ୍ବର୍ଣ୍ଣ ଜିତିଛନ୍ତି। ଓଡ଼ିଶା ପୁରୁଷ ଓ ମହିଳା ଖୋଖୋ ଦଳ ଫାଇନାଲରେ ମହାରାଷ୍ଟ୍ର ନିକଟରୁ ପରାଜିତ ​‌େ​‌ହାଇ ରୌପ୍ୟ ପଦକରେ ସନ୍ତୁଷ୍ଟ ହୋଇଛନ୍ତି। ଲନ୍‌ବଲ୍‌ ଫୋର​‌ ପୁରୁଷ ଦଳଗତ ବର୍ଗରେ ଓଡ଼ିଶା କାଂସ୍ୟ ପଦକ ଜିତିଛି। ଓଡ଼ିଶା ପକ୍ଷରୁ କୈଳାସ ମାଝି, ସୌରଭ ରଞ୍ଜନ ମହାରଣା, ତାରେଣୀ ପ୍ରସାଦ ନାୟକ ଓ ନରସିଂହ ରଣା ପ୍ରତିନିଧିତ୍ବ କରି ଏହି ସଫଳତା ପାଇଛନ୍ତି। ସେହିପରି ପୁରୁଷ ଏକକରେ ଲଳିତ ଶର୍ମା କାଂସ୍ୟ ପଦକ ଜିତିଛନ୍ତି।ଏଥିରେ ଓଡ଼ିଶା ଲନ୍‌ବଲ ଦଳ ୩ଟି କାଂସ୍ୟ ପଦକ ଜିତିଛି। ପୂର୍ବରୁ ମହିଳା ଫୋରରେ କାଂସ୍ୟ ବିଜୟୀ ହୋଇଥିଲା।