ନୂଆଦିଲ୍ଲୀ: ଫ୍ରାନ୍ସର ଲେ ହାୱରେ ସହରରେ ଏକ ନିଆରା ଘର ରହିଛି । ଯାହାର ନାମ ନାରୋ ହାଉସ୍। ଏହି ଘରଟିର ଚଉଡା ମାତ୍ର ଏକ ମିଟର। ଯାହା ଭିତରେ ଆପଣମାନଙ୍କୁ ଏକ ଛୋଟ ଜାଗାରେ ପୁରା ଦୁନିଆ ଥିବାର ଅନୁଭବ ହେବ । ଏତେ ଛୋଟ ଜାଗାରେ ମଣିଷ ଆବଶ୍ୟକ କରୁଥିବା ସବୁ ଜିନିଷ ଆପଣଙ୍କୁ ଦେଖିବାକୁ ମିଳିବ । ଯାହାକୁ ଦେଖିଲେ ବିଶ୍ବାସ କରିହେବନାହିଁ। ଯାହାର ଭିଡିଓ ବର୍ତ୍ତମାନ୍ ଖୁବ୍ ଭାଇରାଲ ହେବାରେ ଲାଗିଛି। ଏହି ଭାଇରାଲ୍ ଭିଡିଓରେ ଆପଣ ନାରୋ ହାଉସ୍ର ଭିତର ଏବଂ ବାହାର ଦୃଶ୍ୟ ଦେଖିପାରିବେ। @lyvantuong1986 ନାମରେ ଜଣେ ୟୁଜର୍ସ ଏହି ଭିଡିଓଟିକୁ ପୋଷ୍ଟ କରିଛନ୍ତି। ତାଙ୍କ କହିବା ଅନୁଯାୟୀ ଫ୍ରାନ୍ସର ଇରବିନ୍ ବର୍ମ ୨୦୧୦ ମସିହାରେ ଏହି ନାରୋ ହାଉସକୁ ନିର୍ମାଣ କରିଥିଲେ। ଏହି ସଂକୀର୍ଣ୍ଣ ଘର ମଧ୍ୟରେ ଡାଇନିଂ ଟେବୁଲ, ଲାଇବ୍ରେରୀ, ଶୋଇବା ଘର , ରୋଷେଇ ଘର, ଶୌଚାଳୟ , ୱାଶ୍ ରୁମ୍ ସବୁ କିଛି ଦେଖିବାକୁ ମିଳିବ । ଏହି ଘରର ଝରକା ସବୁକୁ ଫିକା କ୍ରିମ୍ ରଙ୍ଗ ଦିଆଯାଇଛି। ଯାହା ପର୍ଯ୍ୟଟକ ମାନଙ୍କୁ ବେଶି ଆକୃଷ୍ଟ କରେ। ଇରବିନ୍ ବର୍ମ ପୂର୍ବରୁ ମଧ୍ୟ ଏଭଳି ଅନେକ ମଡେଲ ବନାଇସାରିଛନ୍ତି। ହେଲେ ନାରୋ ହାଉସ୍ ତାଙ୍କର ଏକାମାତ୍ର ସ୍ଥାୟୀ ମଡେଲ । ବର୍ତ୍ତମାନ ଦେଶ ବିଦେଶର କୋଣ ଅନୁକୋଣରୁ ଏହି ଘରକୁ ଦେଖିବାକୁ ପର୍ଯ୍ୟଟକଙ୍କର ସୁଅ ଛୁଟୁଛି। ଯାହା ସକାଳ ୧୦ଟାରୁ ସନ୍ଧ୍ୟା ୬ଟା ଯାଏଁ ଖୋଲାରହେ। ଏହାକୁ ଦେଖିବାକୁ କୌଣସି ଟିକେଟ୍ ଦେବାକୁ ପଡେନାହିଁ। ଲୋକ ଏହି ସଂକୀର୍ଣ୍ଣ ଘରକୁ ଦେଖି ଏହାର କଳା କାରିଗରୀକୁ ଖୁବ୍ ପ୍ରଶଂସା କରନ୍ତି।
Comments are closed.