ନୂଆଦିଲ୍ଲୀ : ଭାରତକୁ ଟାର୍ଗେଟ କରୁଥିବା ଆତଙ୍କବାଦୀଙ୍କୁ ପ୍ରଧାନମନ୍ତ୍ରୀ ମୋଦୀ କଡ଼ା ଜବାବ ଦେଇ କହିଛନ୍ତି ଯେ, ଦେଶ ସବୁବେଳେ ପୀଡିତ ହୋଇ ରହିବ ନାହିଁ । ପୁଲୱାମା ଓ ଉରୀ ଆକ୍ରମଣରେ କ୍ରୋଧିତ ହୋଇ ମୋଦୀ ଆହୁରି କହିଛନ୍ତି, ବହୁତ ହୋଇଗଲା, ଆମେ ଅନନ୍ତକାଳ ପର୍ୟ୍ୟନ୍ତ ପୀଡିତା ରହିବୁ ନାହିଁ । କେନ୍ଦ୍ରୀୟ ଔଦଗିକ ସୁରକ୍ଷାର ୫୦ତମ ସ୍ଥାପନା ଦିବସ ସମାରୋହରେ ମୁଖ୍ୟ ଅତିଥି ଭାବେ ମୋଦୀ ଯୋଗ ଦେଇ ୬ଜଣ ଅଧିକାରୀ ଏବଂ ଜଣେ ଯବାନଙ୍କୁ ସମ୍ମାନିତ କରିଛନ୍ତି। ଏହି ଅବସରରେ ମୋଦୀ ସହିଦମାନଙ୍କୁ ମନେ ପକାଇ ସେମାନଙ୍କର ସର୍ବୋଚ୍ଚ ତ୍ୟାଗ କାରଣରୁ ଆମେ ସୁରକ୍ଷିତ ଅଛୁ ଏବଂ ସେମାନଙ୍କର ସ୍ମୃତି ଅବସରରେ ପୁଲିସ ମେମୋରିଆଲ ସ୍ଥାପନା କରାଯିବ ବୋଲି କହିଛନ୍ତି । ଏହା ସହ ସିଆଇଏସଏଫ ଏବଂ ଅନ୍ୟ ସୁରକ୍ଷାକର୍ମୀଙ୍କ ସାହାସିକତାକୁ ପ୍ରଧାନମନ୍ତ୍ରୀ ପ୍ରସଂଶା କରିଛନ୍ତି ।
