ଭୁବନେଶ୍ଵର: ନନ୍ଦନକାନନ ପ୍ରାଣୀ ଉଦ୍ୟାନରେ ଆତଙ୍କରାଜ ଘଟଣାରେ ଦୁଇ ଗିରଫ। ଉପନିର୍ଦେଶକଙ୍କ ଅଫିସରେ ପଶି ଦୁଇ ଦୁର୍ବୁତ୍ତ ଭଙ୍ଗାରୁଜ୍ଜା କରି ଗିରଫ ହୋଇଛନ୍ତି। ବିଳମ୍ବିତ ରାତିରେ ନନ୍ଦନକାନନ ପୁଲିସ୍ ଉଭୟଙ୍କୁ ଗିରଫ କରିଛି। ଅଫିସ ଭିତରେ ପଶି ଭଙ୍ଗାରୁଜ୍ଜା , ଦୁର୍ବ୍ୟବହାର ଓ ଆକ୍ରମଣ କରିଥିବା ଅଭିଯୋଗ ହୋଇଛି। ଏପରିକି ଦୁର୍ବୁତ୍ତ ମାନେ ନନ୍ଦନକାନନ ହସ୍ପିଟାଲରେ ବି ଭଙ୍ଗାରୁଜ୍ଜା କରିଥିବା ସୂଚନା ମିଳିଛି। ଟେବୁଳ , ଟିଭି, ଲାପଟପ୍ ଓ କମ୍ପୁଟର ଭାଙ୍ଗି ଗୁଣ୍ଡ କରିଦେଇଛନ୍ତି। ଦୁର୍ବୁତ୍ତଙ୍କ ଉତ୍ପାତ୍ତ ଦେକି ଅଧିକାରୀମାନେ ଜୀବନ ବଞ୍ଚାଇବା ପାଇଁ ରାହା ଖୋଜିଥିଲେ। ଜଣେ କର୍ମଚାରୀ ନନ୍ଦନକାନନ ଥାନାକୁ ଫୋନ୍ କରି ଖବର ଦେଇଥିଲେ। ପରେ ପୁଲିସ୍ ଘଟଣାସ୍ଥଳରେ ପହଞ୍ଚିଥିଲା। ପୁଲିସ୍ କୁ ଦେଖି ଦୁର୍ବୁତ୍ତମାନେ ଫେରାର ହୋଇଯାଇଥିଲେ। କିନ୍ତୁ ବିଳମ୍ବିତ ରାତିରେ ପୁଲିସ ଦୁଇ ଜଣଙ୍କୁ ଗିରଫ କରିଛି।
Comments are closed.