ଗୁରୁଡିଝାଟିଆ : କୁମାରପୁର ଶାସନ ନିବାସୀ କଟକ ଜିଲ୍ଲା ବିଜେଡି ସଂପାଦକ ତଥା ଆଠଗଡ ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ପ୍ରତିନିଧି ରଞ୍ଜନ ଆଚାର୍ଯ୍ୟଙ୍କ ମାତା ନଳୀନି ପ୍ରଭା ଆଚାର୍ଯ୍ୟଙ୍କ ୮୦ ବର୍ଷ ବୟସରେ ନିଜ ବାସଭବନରେ ପରଲୋକ ଘଟିଛି। କିଛିଦିନ ଧରି ଅସୁସ୍ଥତା ହେତୁ ଘରେ ରହି ଚିକିତ୍ସିତ ହେଉଥିବା ବେଳେ ପରଲୋକ ଘଟିଛି । ସେ ନବେଢା ଅଞ୍ଚଳରେ ଜଣେ ଧର୍ମପ୍ରାଣା ପରୋପକାରୀ ମହିଳା ଭାବେ ବେଶ ପରିଚିତ ଥିଲେ। ଶିଶୁମାନେ ଭଲ ଓ ବଡ ମଣିଷ ହେବା ପାଇଁ ସଦା ପ୍ରୟାସ ଜାରି ରଖିଥିଲେ। ପରଲୋକ ଖବରପାଇ ସ୍ଥାନୀୟ ବିଧାୟକ ତଥା କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ସ୍ୱର୍ଗତା ନଳୀନିପ୍ରଭାଙ୍କ ପାର୍ଥିବ ଶରୀର ନିକଟରେ ପହଞ୍ଚି କାନ୍ଧରେ ନେବା ସହିତ ଶୋକ ସନ୍ତପ୍ତ ପରବାରକୁ ସାନ୍ତ୍ୱନା ପ୍ରଦାନ ସହିତ ପ୍ରଭୂ ଶକ୍ତି ଦେବା ପାଇଁ ପ୍ରାର୍ଥନା କରିଥିଲେ। ଆଠଗଡ ବିଜେଡି ସଭାପତି ତଥା ରାଧାକିଶୋରପୁର ସରପଞ୍ଚ ବିନୋଦ ମାଝି, ଯୁବନେତା ନୃସିଂହ ଚରଣ ସାହୁ, ସନାତନ ଦଳାଇ, ମିତାରାଣୀ ରାଉତ, ପ୍ରଭାତ ଥାଟୋଇ ପ୍ରମୁଖ ବହୁ ଆଗଧାଡିର ଦଳୀୟ କର୍ମୀ ,ଗାଁଁ ତଥା ସ୍ଥାନୀୟ ଅଞ୍ଚଳର ମୁରବୀ ପ୍ରମୁଖ ଶେଷ ଦର୍ଶନ କରିଥିଲେ। ମୃତ୍ୟୁଶଯ୍ୟା ନିକଟରେ ମଝିଆପୁଅ ରଞ୍ଜନ ଆଚାର୍ଯ୍ୟ,ସାନପୁଅ ଅର୍ଦ୍ଧସାମରିକ ବାହିନୀ ଯବାନ ସୁଚିତ ଆଚାର୍ଯ୍ୟ, ଝିଅ ମମତା ଆଚାର୍ଯ୍ୟ, ମଝିଆ ବୋହୁ ତଥା ଆଠଗଡ ପଞ୍ଚାୟତ ସମିତି ଅଧ୍ୟକ୍ଷା ମିନତୀ ଆଚାର୍ଯ୍ୟ, ନାତି ପୂର୍ବତନ ସରପଞ୍ଚ ଦୀପକ ଆଚାର୍ଯ୍ୟ, ଜିତେନ୍ଦ୍ର ଆଚାର୍ଯ୍ୟ, ବିପନ ଆଚାର୍ଯ୍ୟ ଓ ସୁଜିତ ଆଚାର୍ଯ୍ୟ ପ୍ରମୁଖ ଉପସ୍ଥିତ ରହିଥିଲେ। ପୁରୀ ସ୍ୱର୍ଗଦ୍ୱାରରେ ଶେଷକୃତ୍ୟ ସଂପନ୍ନ ହୋଇଥିବା ବେଳେ ବଡପୁଅ ରଞ୍ଜିତ ଆଚାର୍ଯ୍ୟ ମୁଖାଗ୍ନୀ ପ୍ରଦାନ କରିଥିଲେ।
Popular Categories
Previous article
Next article