ନାଳନ୍ଦା ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜିରେ ଗତ ଦୁଇ ଦିନ ଧରି ଦିଲ୍ଲୀର କ୍ଲିନଟେକ ସଲ୍ୟୁସନ ପ୍ରାଇଭେଟ ଲିମିଟେଡ଼ କମ୍ପାନୀ ପକ୍ଷରୁ କ୍ୟାମ୍ପସ ଚୟନ ଅନୁଷ୍ଠିତ ହୋଇଛି। ଭାରତରେ ଶକ୍ତି ବିକାଶ କ୍ଷେତ୍ରରେ ଏହି କମ୍ପାନୀ ଅନେକ ରାଜ୍ୟରେ ସୋଲାର ଦ୍ୱାରା ଶକ୍ତି ଉତ୍ତୋଳନ କରୁଛି।
କମ୍ପାନୀର ଉପସଭାପତି ବନ୍ଦନା ମଧୁସୂଦନ ଏହି କ୍ୟାମ୍ପସ ଚୟନ କରିବାକୁ ଆସିଥିଲେ। ଏହି ଅବସରରେ ସେ କହିଥିଲେ ଯେ ୨୦୨୫ ମସିହାରେ ଆକମେ ସଲାର ଭାରତର ୧ ନମ୍ବର ଶକ୍ତି ଉତ୍ତୋଳନକାରୀ କମ୍ପାନୀ ହିସାବରେ ରହିବ ଏବଂ ଆଗାମୀ ଦିନରେ ଜାପାନ, ଜର୍ମାନ, ଚୀନ ସହ ଅଧିକ ଶକ୍ତି ଉତ୍ତୋଳନ କରିବା ପାଇଁ ଏହି ଦେଶମାନଙ୍କ ଜ୍ଞାନକୌଶଳ ଗ୍ରହଣ କରିବ। ଆୟୋଜିତ କ୍ୟାମ୍ପସରେ ନାଳନ୍ଦାର ଇଲେକ୍ଟ୍ରିକାଲ ବିଭାଗର ଛାତ୍ରଛାତ୍ରୀମାନେ ଯୋଗ ଦେଇଥିଲେ। ଏଥିରେ ଅନୁଷ୍ଠାନର ୯ ଜଣ ଛାତ୍ର ଚୟନ ହୋଇଥିବା ଜଣାପଡିଛି। ଏହି କ୍ୟାମ୍ପସ ଚୟନ କାର୍ଯ୍ୟକ୍ରମକୁ ଇଲେକ୍ଟ୍ରିକାଲ ବିଭାଗର ମୁଖ୍ୟ ବିକାଶ ସ୍ୱାଇଁ ପରିଚାଳନା କରିଥିଲେ।
