ଦହଣାରେ ଗୁଳିକାଣ୍ଡ ଘଟଣା: ୩ ଗିରଫ, ତଦନ୍ତ ଜାରି

ନବରଙ୍ଗପୁର:ନନ୍ଦାହାଣ୍ଡି ବ୍ଳକ ଅନ୍ତର୍ଗତ ଦହଣା ଗ୍ରାମର ବିଜେପି ନେତା ଅଶ୍ୱିନୀ ଦାଶଙ୍କର ଘରେ ଗୁଳିଚାଳନା ଘଟଣାରେ ପୁଲିସ ଗତ ରାତିରେ ୩ଜଣ ଯୁବକଙ୍କୁ ଅଟକ ରଖି ପଚରାଉଚରା କରୁଛି। ଆଜି ତେନ୍ତୁଳିଖୁଣ୍ଟିଥାନା ପକ୍ଷରୁ ତିନିଜଣ ଅଭିଯୁକ୍ତ ସଞ୍ଜିବ ହିଆଲ, ନରହରି ହରିଜନ ଓ ଫ୍ରଫୁଲ ବାଘଙ୍କୁ ଗିରଫ କରାଯାଇଛି। ବିଜେପି ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଜରିଆରେ ଜିଲା ପ୍ରଶାସନ ଓ ଜିଲା ପୁଲିସ ପକ୍ଷରୁ ତୁରନ୍ତ ମୁଖ୍ୟ ଅଭିଯୁକ୍ତ ସମେତ ଏଥିରେ ସମ୍ପୃକ୍ତ ଅନ୍ୟ ଅଭିଯୁକ୍ତଙ୍କୁ ଗିରଫ କରିବାକୁ ଦାବି କରିଛି।