ନବରଙ୍ଗପୁର: ଦୀର୍ଘ ୫ ମାସ ହେଲା ସରକାରୀ ଚାଉଳ ପାଇବାରୁ ବଞ୍ଚିତ ହୋଇଛନ୍ତି ପରିବାର। ନନ୍ଦାହାଣ୍ଡି ବ୍ଲକ ଅନ୍ତର୍ଗତ ପଡ଼ାଲଗୁଡା ଗ୍ରାମବାସୀ ଏଭଳି ଅଭିଯୋଗ କରି ଗ୍ରାମପଞ୍ଚାୟତ କାର୍ଯ୍ୟାଳୟକୁ ଆସିଥିବା ବେଳେ କାର୍ଯ୍ୟାଳୟରେ ତାଲା ପଡ଼ିଥିବା ଦେଖି ନିରାଶ ହୋଇଥିଲେ। ପୂର୍ବରୁ ବାରମ୍ବାର ଏସଂପର୍କରେ ପଞ୍ଚାୟତ ସଂପ୍ରସାରଣ ଅଧିକାରୀଙ୍କୁ ଜଣାଇଲେ ମଧ୍ୟ କୈାଣସି ପଦକ୍ଷେପ ନେଉନଥିବା ଅଭିଯୋଗ କରିଛନ୍ତି। ତାଙ୍କର ଟଙ୍କାକିଆ ଚାଉଳକୁ ହଡପକରି ଆତ୍ମସାତ କରାଯାଇଥିବା ହିତାଧିକାରୀମାନେ କହିଛନ୍ତି।
ଗ୍ରାମର ଉଦ୍ଧବ ଭତ୍ରା, ସୁଲୋଚନା ହିଆଲ, ପନିର ହିଆଲ, କିରଣ ଖୁରା ଓ ଇସମାଏଲ ପ୍ରମୂଖ ଏହି ଅଭିଯୋଗ କରିବା ସହ ଗ୍ରାମର ପ୍ରାୟ ୨୦ରୁ ଅଧିକ ପରିବାରକୁ ଚାଉଳ ଦିଆଯାଉନଥିବା ଅଭିଯୋଗ କରିଛନ୍ତି। ଏ ସଂପର୍କରେ ଜିଲା ଯୋଗାଣ ଅଧିକାରୀ ସଞିବ କୁମାର ସାହୁଙ୍କୁ ପଚାରିବାରୁ କେଉଁ କାରଣରୁ ହିତାଧିକାରୀଙ୍କୁ ଚାଉଳ ଦିଆଯାଉନି ସେ ଏହାର ତଦନ୍ତ କରିବେ ବୋଲି କହିଛନ୍ତି।
Comments are closed.