ନବରଙ୍ଗପୁର:ଜାନୁଆରୀ ୧୪ ତାରିଖରୁ ୧୭ତାରିଖ ପର୍ୟ୍ୟନ୍ତ କାଶ୍ମୀର ବୁଲମାର୍ଗ ଠାରେ ଅନୁଷ୍ଠିତ ଅଷ୍ଟମ ଜାତୀୟ ଆଇଷ୍ଟକ ଚାମ୍ପିୟାନସିପ ୨୦୨୨ ପ୍ରତିଯୋଗିତାରେ ୨୦ ରାଜ୍ୟର ଖେଳାଳୀ ଅଂଶ ଗ୍ରହଣ କରିଥିଲେ। ଏଥିରେ ଓଡିଶାର ମୋଟ ପାଞ୍ଚଗୋଟି ପଦକ ମଧ୍ୟରୁ ନବରଙ୍ଗପୁର ଜିଲାର ଖେଳାଳି ଆଶୁତୋଷ ପୂଜାରୀ ଲଙ୍ଗ ଡିଷ୍ଟାଂସ ପ୍ରତିଯୋଗିତାରେ ବ୍ରୋଞ୍ଜ ପଦକ ହାସଲ କରିଛନ୍ତି। କାଶ୍ମୀର ଦଳକୁ ପରାଜିତ କରି ଏହି ଉପଲବ୍ଧି ହାସଲ କଲେ ବୋଲି ନବରଙ୍ଗପୁର ଜିଲ୍ଲା ଆଇସ ଷ୍ଟୋକ ସଙ୍ଘର ଉପଦେଷ୍ଟା ମନୋଜ କୁମାର ପଟ୍ଟନାୟକ ସୂଚନା ଦେଇଛନ୍ତି। ପ୍ରତିଯୋଗିତାରେ ଓଡିଶା ଦଳର କୋଚ ଭାବେ ହରିଶ ବେହେରା ଦାଇତ୍ୱ ତୁଲାଇ ଥିଲେ। ନବରଙ୍ଗପୁର ଭଳି ଉପାନ୍ତ ଅଂଚଳରୁ ଯାଇ ଜିଲ୍ଲାକୁ ଗୌରବବନିତ କରିପାରିଥିବାରୁ ଜିଲାର କ୍ରୀଡ଼ାବିତ ମହଲରେ ଖୁସିର ଲହରୀ ଖେଳିଯାଇଛି।
Comments are closed.