ନବରଙ୍ଗପୁର : ବୟସର ଅପରାହ୍ନ ରେ ବର୍ଦ୍ଧିତ ଭତ୍ତା ଏବଂ ରହିବା ପାଇଁ ଆବାସ ଯୋଜନାରେ ଗୋଟିଏ ଘର ମିଳିବ ବୋଲି ଆଶା ଆଉ ଅପେକ୍ଷା ରେ ଵୃଦ୍ଧା ମହିଳା । ଏପରି ଏକ ଦୃଶ୍ୟ ଦେଖିବାକୁ ମିଳିଅଛି ନବରଙ୍ଗପୁର ଜିଲ୍ଲା ତେନ୍ତୁଳୀଖୁଣ୍ଟି ବ୍ଲକ ସାଦରମାହକୁମା ପଂଚାୟତ ର ଖଣ୍ଡିଆ ଗୁଡା ଗ୍ରାମରେ । ଏହି ଗ୍ରାମରେ ବସବାସ କରୁଥିବା ୮୫ବର୍ଷ ବୟସର ବୃଦ୍ଧ ମହିଳା ଆଶାଏ ଜାନୀଙ୍କ ଦୁଃଖ କହିଲେ ନ ସରେ । ବୃଦ୍ଧ ବିଧବା ମହିଳା ଏକୁଟିଆ ଭଙ୍ଗା ଦଦରା ଘରେ ରହି ନିଜ ଜୀବନ କାଟୁଥିବା ବେଳେ ଆଜି ପର୍ୟ୍ୟନ୍ତ ଘରଟିଏ ପାଇଁ କହି କହି ବୟସ ଆସି ଅପରାହ୍ନରେ ପହଂଚି ସାରିଲାଣି । ଆବାସ ଯୋଜନାରେ ଘରଟିଏ ମିଳିଲାନି ବର୍ଦ୍ଧିତ ଭତ୍ତା ମଧ୍ୟ ହେଲାନାହିଁ । ସରକାରଙ୍କ ତରଫରୁ ଅନ୍ନପୂର୍ଣ୍ଣା ଯୋଜନାରେ ଚାଉଳ ମିଳୁଥିଲା ତାହା ବି ଗତ ଡିସେମ୍ବର ମାସଠୁ ମିଳୁନାହିଁ। ଏହି ପରିଣତ ବୟସରେ ଲୁହାଭରା କଣ୍ଠ ରେ କହିଛନ୍ତି ଅସକ୍ଷଏ ଜାନି । ରାତି ହେଲେ ଘର ଭିତରୁ ଜହ୍ନ ଦେଖାଦେଉଛି । ବର୍ଷା ହେଲେ ଘର ଭିତରେ ପାଣି ଗଳୁଛି ବିପଦ ପୂର୍ଣ୍ଣ ଅବସ୍ଥାରେ ଜୀବନ ବିତୁଛି । ତତ୍କାଳୀନ ବିଡ଼ିଓଙ୍କ ଦୃଷ୍ଟିରେ ପଡ଼ିବା ପରେ ସେ ଅନ୍ନପୂର୍ଣ୍ଣା ଯୋଜନାରେ ୧୦କିଲୋ ଚାଉଳ ଯୋଗାଇ ଦେଉଥିଲେ । ବିଡ଼ିଓଙ୍କ ବଦଳି ପରେ ଡ଼ିସେମ୍ବର ମାସ ପରେ ଆଉ ଚାଉଳ ମିଳୁନାହିଁ। ଘର ପାଇଁ ପଞ୍ଚାୟତରେ ୨୦ ବର୍ଷ ହେଲା ଗୁହାରି କରୁଛନ୍ତି । ଏ ନେଇ ତେନ୍ତୁଳିଖୁଣ୍ଟି ଭାରପ୍ରାପ୍ତ ବ୍ଲକ ଯୋଗାଣ ଅଧିକାରୀ ରାଜେଶ ଶବରଙ୍କୁ ଯୋଗାଯୋଗ କରିବାରୁ ପୁନର୍ବାର ଅନ୍ନପୂର୍ଣ୍ଣା ଯୋଜନାରେ ୧୦ କିଲୋ ଚାଉଳ ମାଗଣାରେ ଯୋଗାଇ ଦେବାକୁ ଆବଶ୍ୟକ ପଦକ୍ଷେପ ନେବେ ବୋଲି କହିଛନ୍ତି । ବର୍ଦ୍ଧିତ ଭତ୍ତା ଏବଂ ଆବାସ ଯୋଜନାରେ ଘର କେବେ ମିଳିବ ସେନେଇ ଅପେକ୍ଷା କରିଛନ୍ତି।
Comments are closed.